香港資訊科技聯會日前在培正中學舉辦「IT CHAT ROOM – 與青年科技創業家對話」，香港資訊科技聯會會長邱達根坦言，科技產業發展依靠人才、資金，以及政府的支持，而當中最重要的一項正正是政府的支持。

邱達根表示，放眼全球，由傳統的科技強國美國、日本，再到近來發展飛快的韓國、以色列，其中全部都有賴政府的規劃和長線支持。「最緊要嘅就係政府嘅支持，係規劃嗰度能夠比更多嘅科技公司一啲配套支持，稅項、政策、對產品出口嘅支持係對成個產業發展非常重要，所以我係非常之希望我哋盡快有個創新科技局，能夠比更多機會各位同學。」

邱達根指出，香港現在最需要更多人投身科技行業，「因為自2000年之後入讀IT嘅人係少咗。所以我哋希望，第一、有個局去提倡更多人去參與創意行業；第二、希望更加多同學、下一代嘅新力軍，首先去讀IT，認識IT，然後將來發展自己嘅事業。」

邱達根又談及在科技產業的發展上，與內地合作的重要性，「同國內合作，要有個創新及科技局，國內有好多政策係推行嘅時候，如果我哋香港有個相關部門係國內定立國情時候可一齊參與，一齊規劃，咁變咗可以引領一啲發展嘅趨勢嚟香港。」