//胡志偉入獄嘅時候，明明講到自己好享受，又可以改善三高問題，又要完成學位，點會咁灰啊？//

正所謂「技多不壓身」，但對攬炒派政客來講，就係「案多不壓身」。因參與泛民「35+初選案」，從今年1月初就開始被還押嘅民主黨前主席、立法會前議員胡志偉，又因為另一單涉煽惑他人參與去年七一遊行，上個月16號被判囚10個月。於是胡志偉嘅身份，就由還押變咗暫時在囚，按懲教署嘅計算方法，佢會於11月6日又變返還押身份。

從法庭返到荔枝角收押所，胡志偉就開始打同情牌。話咩咩咩告別還押編號，換上終身囚犯編號，由灰色還押囚衣換上啡色在囚囚衣，顏色唔同待遇都唔同。佢仲大呻難捱，話探訪時間由每天見面變咗每周一會，日子變得好難過喎。

嘩，唔係呀嘛。胡志偉入獄嘅時候，明明講到自己好享受，因為坐監三高問題都得以改善，仲要喺獄中完成學位𠻹！依家點會因為一件囚衣轉咗色，又減少探訪時間就捱唔住啊？講到尾，唔想人生咁灰，咪初初就唔好犯法囉，坐監嘅人生並不會更精彩嘅。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk