//大家評吓理，有效率嘅議會，有乜嘢唔好呢?//

立法會議員陳沛然指立法會在這一年裡比較有效率，但又說:「立法會工作是監察政府，應該作監察角色，check-and-balance(制衡)，但我相信這個年度未必做到這件事。」

咩叫思緒混亂?陳沛然做咗一次完美示範。話說自從政府要求議員宣誓效忠後，佢已經潛咗水，甚至自動放棄做選舉委員會當然選委，又講明唔尋求連任立法會議員，以為佢會繼續潛水至12月底任期屆滿，點之佢前日突然蒲頭講政治，一方面承認無咗民主派嘅的會無制衡，但又承認效率好咗，咁即係點呀?

咁都未夠，佢仲再解釋一吓立法會制衡政府應該點做:「監察或check-and-balance是一個平衡點，但現在就像一架車踩油就向前行，但為何要有煞停掣，原因是要轉彎，要有不同力度，現在很明顯就沒有煞停掣。」

聽完真係笑咗，完來有人喺議會度拖慢吓政府，就叫做制衡。咁唔怪得之前有攬炒派在席時個立法會搞成咁囉，陳沛然唔係想時光倒流啩?

相信大家都唔會忘記，有攬炒派的日子，立法會次次開會都七國咁亂、叫囂事少，搗亂掟雜物場面更加唔少得，最大件事係，選內會主席拉布拉咗成七個月都未選到，結果係民生議案大塞車，影響民生事大。唔通呢啲就係陳沛然所講嘅制衡?過去一年，立法會通過近50條法案創近年新高，若果陳沛然唔滿意議會變得有效率，咁佢放棄連任都係好事。   

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk