//邵嵐真係死不悔改，仲叫其他海外港人學佢?大家要小心認清真相至得!//

本身係美國籍、綽號「城大粗口女」嘅邵嵐，月中至喺希臘雅典因抗議北京冬奧被捕、獲釋後急急腳返美國，若你以為佢會因為今次喺佢哋口中崇尚自由嘅西方國家，因抗議活動被捕，就會清醒咗，年輕人，你咁就真係高估咗佢。

點解咁講，因為佢呢頭返到美國，嗰頭即刻參與一個由非政府組織舉辦嘅網上論壇，題目當然離不開香港，呢位其實早係去年9月已經走佬離開港嘅小姐，喺個論壇上滔滔不絕咁大講香港過去一年「慘況」，至於佢舉咗啲乜嘢例子，都費事重覆，咪浪費大家寶貴時間，反正無論佢講乜，都係得一個結論，就係:香港民主倒退啦!

因為咁，佢呼籲要制裁中國、制裁香港，仲話而家只係得美國實施制裁，點名要求英國、加拿大同澳洲等都要有行動喎! 仲話，由於有港區國安法，只有佢呢啲「流亡」海外嘅港人，至可以呼籲制裁咁話。講到咁，好明顯佢真係唔知碇，根據國安法，就算唔係香港人，若果在香港以外地區違反咗國安法，都係犯法!自己犯法仲唔夠?仲想拉埋其他人落水?

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk