//按照職工盟會章，需要五分之四嘅「團體成員」，投票通過解散先成事，唔知到時又有冇人玩嘢？警方國安處又會有乜嘢行動？大家買定花生食住睇啦。//
正所謂樹倒猢猻散，講嘅就係教協、民陣、支聯會呢啲泛民組織，先後或即將解散。最新消息係，職工盟執委會尋晚開會，都通過咗啟動解散程序，10月3日召開全體會員大會正式通過解散決定，具體詳情會喺19號交代喎。
不過仔細諗吓，其實職工盟都係淨得解散呢一條路可以行。呢個組織嘅前主席吳敏兒，因為參與舊年泛民「35+初選」案，涉嫌違反《港區國安法》仍被扣押。秘書長李卓人又因為兩單非法集結案罪成，被判監14個月，仲有消息指長期擔任職工盟總幹事嘅蒙兆達，已經跳船辭職，各個大佬、大姐都自身難保，剩低做細嘅仲點玩啊？
不過按照職工盟會章，需要五分之四嘅「團體成員」，以不記名投票贊成先可以解散，咁到時開會又會唔會有變？呢個組織好早已經承認，收取美國國家民主基金會（NED）轄下機構1300萬元，又被揭發同歐洲多國組織有金錢瓜葛，警方國安處會唔會有咩跟進調查呢？大家買定花生食住睇啦。
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論