//李宇軒及陳梓華承認，串謀勾結外國勢力罪，庭上爆出更多內情，綽號「攬炒巴」的劉祖迪依家發聲明死撐，相信都冇人相信。//

12港人案中的「香港故事」成員李宇軒及法律助理陳梓華，周四（１９日）承認串謀勾結，外國或境外勢力危害國家安全罪，控方在庭上交代案情，揭露幕後主腦黎智英、其助理Mark Simon、同埋著草去了英國的「攬炒巴」劉祖迪，點樣利用「重光團隊」（SWHK）呢個組織，進行勾結外國反中亂港及瘋狂Cap水的種種細節，眼見真相已經大白，著草的「攬炒巴」為了混淆視聽，即刻發個聲明想轉移視線？

「攬炒巴」話國際線係自發，又話「如果黎智英在幕後操縱，就唔需要眾籌」，如果留意到兩被告在庭上承認的案情，就知佢吹得幾大。

控方案情提及兩名被告的戶口，多次收到黎智英和Mark Simon戶口轉帳的錢，或眾籌所得的款項，部份款項高達幾十萬元。之後李宇軒再用眾籌的錢還畀黎智英，即係黎智英和Mark Simon係墊支住先，咁仲唔算幕後操縱，「攬炒巴」，唔好恰大家冇留意案情啦!

佢又話自己「一手一腳由零開始接觸外國議員」，更加係佢片面之詞，其實案情明明話，李宇軒在Mark Simon安排下見美國的參議員，這些先至係眼見事實！

身處海外印印腳的「攬炒巴」劉祖迪仲好豪氣咁話，拉佢兄弟會加倍奉還，如果你真係有咁多真相，不如返回香港，大把機會畀你講，香港的司法制度亦歡迎你返港「加倍奉還」。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk