【笑聞一分鐘】泛民講一套做一套 撐創新產業又拉死創科局

泛民成日講一套做一套好多人都知道,今早之嘛,民協立法會議員馮檢基喺電台節目度聲稱,自己支持創新及科技行業發展喎,未來香港還需要推出多啲創業基金啦,讓年輕人有所發揮咁話。

嘩嘩嘩!真是多謝馮議員,咁為科技界、咁為年輕人著想! 咦?咪住,他之前不是漠視業界訴求,反對成立創科局咩?同樣喺泛民嘅IT界立法會議員莫乃光,之前都「舉腳贊成」通過創科局,仲呼籲泛民唔好再拉布,結果咪又係得個講字!任由個創科局被拉死!其實,業界和讀緊書嘅學生們大部份都好期待創科局嘅成立,但個別議員喺要「拉布」、「玩嘢」時,馮議員你又幫過咩手呢?宜家你施施然行出來,話要支持創新科技業發展?真喺連聽眾都忍唔住要「寸」你「講一套,做一套!」。

其實,好多人心知肚明,香港宜家根本不缺乏資金,最缺乏嘅,是一個專責的政府部門去推動創新科技業界發展,去統籌、去為香港定位、和周邊地區政府部門洽談等。講到尾,馮議員你是真心為業界、為後生仔好的話,就唔好為虎作倀!好心你唔好再「講一套,做一套」,下次用行動支持,投票支持創科局成立啦!

評論