//林卓廷同尹兆堅與其趁父親節喺獄中賣慘，不如諗下幾多人因為佢哋而無法一家團聚？//

過節促進消費，出手闊綽啲，失去議席，連份糧都冇埋嘅攬炒派，又點會唔明呢個道理呢？趁父親節賣慘呃Like搲課金，打手足荷包主意。因35+初選案涉違顛覆國家政權罪而被還押嘅民主黨林卓廷，托黨友分享俾仔囡嘅獄中書信，話咩咩咩「今年首次無法一家人慶祝父親節」，「無論牆有多高，路有多遠，爸爸嘅心永遠同你哋一齊」。佢又講到舊年賣樓，係因為唔想影響送仔囡離港升學嘅計劃，但預期國安案件調查需時，「恐怕爸爸仍身處獄中，未能相送」，又形容自己對仔囡嘅「失敗訓練」好成功喎。

嗱嗱嗱，涉11罪愁緊千萬訟費嘅黨友尹兆堅都唔執輸，以手繪畫打獄中親情牌，話咩咩咩對仔囡感到虧欠，希望仔囡聽媽咪話，做個堂堂正正的人，又話出獄後要找數煮大餐，享受共聚天倫時光喎。

哇哇哇，如果純綷係寫俾仔囡深情嘅家書，做咩要大搖大擺周街唱驚死人唔知呢？仲有，明明你哋兩個同成班攬炒派，煽動年輕人犯法，踎監等受審根本係咎由自取，有咩資格講風涼話呀？反修例事件至今有超過一萬人被捕，四成人係學生，其中超過1700人係未成年。今年父親節，有幾多個家庭比你哋搞到支離破碎？呢個時候仲情緒勒索手足，呃訂閱搲課金？如果真係為仔囡好，就應該叫佢哋唔好步爸爸後塵，同反中亂港勢力割席啦！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk