//身為醫生，唔好好對抗疫情，整日講呢啲風涼說話居心係咩呢？大家心中有數喇。​//

講起醫生梗係救死扶傷、醫者仁心嘅形象，不過有個醫生好似唔係咁諗喎。是咁的，醫管局從下星期開始，將要求約6.5萬名同病人有接觸嘅前線員工，每周做一次新冠肺炎嘅快速抗原測試，不過如果打齊兩針疫苗及過咗14天或以上，就可以豁免測試。原本係好事一件，但公共醫療醫生協會會長馬仲儀竟然唱反調。

馬仲儀話，「醫護人員的責任不是被道德綁架，也不是政府的宣傳工具，他們自己個人的權力是不應該被剝削的」。

佢好抗拒咁話，的確有同事接種疫苗，但都有同事擔心副作用及對安全性有疑慮喎。佢仲意有所指咁講多句：「我哋一小撮人唔可以亂講嘢㗎」。哇哇哇，依家全世界疫情未受控，香港嘅前線醫護每日要接觸病人，以打疫苗來豁免病毒檢測，都係為咗保護佢哋嘅同時又保護病人。馬仲儀你自己打唔打疫苗係你嘅自由，但醫護染疫邊個照顧病人呀？醫生嘅職責，唔係將病人權益擺喺第一位咩，呢啲都叫做「道德綁架」？

最開始爆發疫情嘅時候，呢位馬仲儀醫生就拒絕內地醫護來支援香港，政府做社區普及檢測嘅時候，佢又「唔推薦」市民參與，之後又話咩疫苗「非百分百安全有效」。身為醫生，唔好好對抗疫情，整日講呢啲風涼話居心係咩呢？大家心中有數喇。

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk