//公民黨眾叛親離，梁家傑點解係都要死撐到底，醒目嘅市民，你哋明嘅~//

咩叫眾叛親離？睇下依家嘅公民黨主席梁家傑就知喇。呢個曾經號稱泛民第二大政黨嘅公民黨，近排最流行嘅就係跳船「退黨潮」。唔計已經靜雞雞走佬去加拿大嘅郭榮鏗，被控涉違反《港區國安法》嘅楊岳橋、譚文豪、李予信同郭家麒，另外有3個公民黨區議員畢東尼、李軍澤、李煒林都埋退黨。最新消息係，呢個曾經喺辦事處公然掛「港獨」口號旗幟，而且係公民黨執委嘅沙田區議員黃文萱，都要拋棄公民黨喇。

之前楊岳橋等四個人退黨之後，就發公開信呼籲解散公民黨，但係主席梁家傑一口拒絕，死攬住唔放，仲話經過黨內磋商後決定保留公民黨，會積極重整發展方向喎。但唔聽民意，死撐嘅結果就係，越來越多黨友爭相退黨保平安。照咁落去，公民黨最後會唔會剩低梁家傑一個，悽悽慘慘變成一人黨呢？

至於梁家傑點解係都要死撐到底，醒目嘅市民，你哋明嘅。

梁家傑成日話暴力可以解決問題，咁今次散黨，係咪都可以解決問題呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk