攪攪下罷課，班大學生走去玩違法遊行，呢！咪由學聯周永康攪出嚟囉，不幸中大幸，就係警察緊守崗位，先令到班學生衝唔到出馬路咋。不過，好恐怖係，有網民居然話，尋日批隊尾嘅學生勁燥底，係咁用WALKIE TALKIE勁鬧帶頭嘅學聯，做咩鬼咁MILD呀？好唔老嚟咁！嘩，如果真係俾佢哋突圍到，睇怕咪會攪到中環啲路亂晒龍？
 
搲爆頭係，無啦啦包圍變咗做通宵留守喎，哈，唔知啲記者同學生係咪都覺超無聊呢？都係嗰句啦，為咩先？其實真心想問一句，學聯你到底知唔知自己想點架？周永康同學，究竟你係咪為激而激架？定抑或真係想見特首？真係想坐低傾？尋日就有一大班中學生，真係同特首坐低傾，問題都好激好尖銳架，但見到阿CY逢問必答喎，所以話，要見面要傾計唔係講惡嘅，講道理咪得囉！