「重大錯誤」呢四粒字，政府唔會立亂出架喎，邊個咁大鑊犯大錯呀？咪係郭家麒議員囉！話說佢寫咗封《給香港的信》俾全港七百萬市民，話政改方案經立法會全體議員三分二通過後，「中央政府角色係接收報告」？嘩！大錯特錯啦，特區政府即刻出聲明澄清，話人大係要「批准」報告、根本唔係「接收」！喂，郭議員，你自己有無睇清楚基本法架？咁都搞得錯，仲要大大聲將啲錯誤信息講畀全香港人聽？

查實早排連做過高官的陳太CONCEPT都錯晒，响外國記者協會午餐會講過同郭家麒同一番謬論。連《基本法》都曲解？啲泛民仲要周圍講，以訛傳訛，用番政府聲明話事齋，你哋真係「令人遺憾」啦！