尋晚學民表明發動中學生罷課，下，無聽錯呀嘛？唔係大學生咩？點解無端端辣埋去中學生呀？嘩，又叫中學生「走堂」，又攪中學生集結大會？仲逼中學校長簽承諾書，證明學生唔係逃學？嘩，學民係咪傻咗呀？
 
仲記唔記得今年七月，班中學文憑試狀元係咁被追問撐唔撐「佔中」，當時戴耀廷講到明，目標係成年人，無需要逼年輕學生表態，咁樣對佢地係唔公平嫁！喂，學民仔，你哋當戴耀廷透明架？而家仲要中學生罷課？無嘢呀嘛！
 
不過啲後生好醒嘅，有個狀元就講過，公眾Take Action前要諗真啲對件事有幫助定有反效果，如果只企响自己立場不為他人設想，呢啲行為好自私！學民唔該反省下啦！