攬炒派最霸道、最獨裁?
攬炒派最霸道、最獨裁?

如果講霸道、講獨裁,相信攬炒派政客認第一,應該無人敢認第二。最近立法會選舉提名期正式開始,陸續有非建制派人士報名參選,對於主張杯葛選舉嘅攬炒派嚟講,簡直係當正佢哋係「叛徒」一樣。


幫助做選舉工程都不可以?


話說,沙田區前區議員黃文萱日前就發帖文,批評由民主黨中委劉子傑、公民黨前成員譚家浚搞嘅公司「GMENU」,幫報名參選立法會社福界選舉嘅新思維主席狄志遠做選舉工程,佢唔止立即同間公司割席,仲語帶諷刺咁加上「水退就知邊個無着褲」、「咁嘅錢就可以買到骨氣」嘅Hashtag。囍雨想講,黃文萱要杯葛選舉、死心不息想搞事,呢啲都係佢自己嘅事,點解人哋想助選、參選又唔畀?


攬炒派成日將爭取民主掛口邊,到頭來都只係得個講字,佢哋根本就係最獨裁嗰個。黃文萱依家咁樣公開批評、割席,根本係想施壓,等其他人唔敢再幫「參選派」助選。民主理應係要容納多元聲音,但係攬炒派一路都係唯我獨尊,容不下其他意見同聲音,只要非我族類、唔跟佢嗰套去做,就會立即反面,連「同路人」都無面畀。更重要嘅問題係,黃文萱自己都其身不正,又憑咩去質疑其他人?


黃文萱無資格講「骨氣」


黃文萱講「骨氣」呢隻字,真係有啲搞笑。人哋公司打開門口做生意,合法咁接工作幫人做選舉工程有咩問題?黃文萱大大聲去批評人哋,自己又點樣先?如果佢真係有骨氣,點解之前又要退出公民黨,唔留低繼續同一眾黨友並肩作戰?點睇佢都係驚公民黨個牌頭,會影響到自己嘅政治前途先咁做;仲有喎,之前有消息傳出,話宣誓被DQ區議員可能要賠薪津,而黃文萱就喺嗰期辭任區議員。佢自己係咪為咗少少錢就背棄咗選民、黨友?仲敢同人講骨氣?好心唔好再「五十步笑百步」啦!


攬炒派政客想杯葛選舉,無非都係想制造到個效果係,無咩非建制派願意參選,令外界誤以為選舉失去代表性、變得單一化。但係囍雨都講咗好多次,如果有人認為立法會係「清一色」,無錯,將來議員會係「清一色」愛國者,但各人對民生、經濟等議題嘅立場都唔一樣,將會有更多唔同聲音能夠入到立法會。就算係非建制派都好,只要係愛國者一樣可以參選,狄志遠等人就係例子。都係嗰句啦,如果一個政黨或政客唔參選,唔去爭取話語權,不如早日解散、轉行吧啦!


原圖:黃文萱社交網站專頁截圖、星島日報


截至截稿時間11月2日,已報名參加立法會社會福利界選舉的候選人包括:狄志遠、朱麗玲。


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

16
好正
3
心心眼
11
好好笑
0
令人傷心
4
嬲爆

評論

  • +85298****49
    +85298****49
    2月前
    0 回應
    Excellent
    • acp4711@yahoo.com.hk
      acp4711@yahoo.com.hk
      2月前
      0 回應
      good
      • 你的光榮,我的榮耀
        你的光榮,我的榮耀
        2月前
        0 回應
        呷醋

        沒有更多評論

        沒有更多評論