中大生畢業生隨時變失業生?
中大生畢業生隨時變失業生?

新冠疫情肆虐香港一年幾,本地經濟一直麻麻,失業率持續高企。整體市道差,要搵工唔容易,就算係學歷較好嘅畢業生,一樣面對失業問題。教資會之前做調查,1.9萬名受訪嘅全日制學士畢業生之中,有434人失業,比率係2.9%,創近11年新高。更值得留意嘅係,「八大」院校之中,中大畢業生嘅失業率竟然高達5.7%,成為眾院校之冠。到底點解會咁?係咪因為中大嘅「暴大」形象太過深入民心,所以連僱主都怕晒,對招聘中大畢業生有戒心?


中大被佔領 校園一片狼藉


囍雨都仲記得,前年11月中,中大校園畀大批暴徒佔領,仲同警方展開對峙。當時暴力示威者將校園變成「兵工廠」,喺校內搜刮物資、整汽油彈、掘磚頭做武器等,仲「接管」埋校內食堂、校巴,行為猖獗至極;暴徒其後仲放火燒車做路障,不停向警員掟汽油彈、磚頭等,完全係想攞警員命咁。呢類場面足足持續咗三日,由朝早打到晚,而當佔領事件落幕,校園變得一片狼藉,唔單止有大量設施被毀,警方更喺校內仲搜出約3,900枚以上嘅汽油彈,中大仲有近100公升危險化學品被人偷走。成件事只能用四個字去形容,無天無天!


中大慘遭暴力示威者蹂躪,市民大眾都覺得憤怒同心痛,但係中大學生同多個書院學生會,竟然將件事美化成「中大保衛戰」,講到好似真係打仗咁。明明佔領者自己帶頭破壞校園,為逃避刑責,抗拒警方執法,咁又點會係「保衛」呢?身為大學生,連根本是非黑白都未分得清,價值觀又扭曲到咁,呢一切僱主看在眼裡,對中大生有戒心,其實又真係唔出奇。


吳傲雪的謊話 大家清楚記住


仲有仲有,前年仲係中大學生嘅吳傲雪,同校長段崇智嘅一段對話,相信好多人都記得。當晚吳傲雪喺傳媒面前除低口罩,高調聲稱自己遭警員「性暴力對待」。嘩!嗰陣即起引起社會哄動,唔少香港人真係以為佢真係「新屋嶺受害人」,點知原來都係假嘅!吳傲雪第二日就澄清,話自己根本無去過新屋嶺;警方事後想搵佢協助調查,都選擇避而不見。老實講,當社會大眾對呢啲畫面都仲係歷歷在目,僱主們會對中大畢業生有「特殊感受」都好正常啊。


不過公道啲講,囍雨都覺得,政見立場、言行偏激嘅中大生,其實只係佔好少好少數,相信大部分中大生都係能夠明辨是非。囍雨都希望僱主們唔好一刀切去負面標籤中大學生,畢竟暴徒始終都係社會嘅少數,除非有好確切證據證明應徵者曾經參加暴動,否則都盡量畀機會班中大畢業生啦,始終年輕人可以融入社會,先有機會變得成熟,唔會再滿腦子暴力同衝動。少一個激進年輕人,對香港始終係好事吖。


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

66
好正
12
心心眼
17
好好笑
8
令人傷心
8
嬲爆

評論

  • +85298****49
    +85298****49
    2年前
    0 回應 檢舉
    Excellent
    • 龙一吟
      龙一吟
      2年前
      0 回應 檢舉
      經歷暴亂而給全香港市民看到所涉及之學院,都被非常関注所招聘之人是否所在學院及其在學之時段,至於警方拘捕問題,大家有認真留意各媒體報道,都知道有關整個暴動所涉人士太多,推積如山,差不多隔日都有在案審訊,凡犯案者在有證據後必被起訴,永不落空,全香港人都是渴望社會及經濟安居樂業。
      • +85297****22
        +85297****22
        2年前
        0 回應 檢舉
        非常不同意囍雨觀點,如果證據確鑿,警察都已經拉咗人,仲點會有機會畀你去見工,應該中大畢業生,攞證據證明自己不是暴徒,社會才容許你見工

        沒有更多評論

        沒有更多評論