出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
覓地建屋 需要共識與決心!
覓地建屋 需要共識與決心!

對於土地房屋問題,香港各界可以話係眾說紛紜,有人話香港欠缺可發展土地,有人話香港唔係缺地而係欠缺良好嘅規劃,亦有人話「兩者皆不是」,而是香港各界人士以至市民之間欠缺共識。噚日,有立法會議員喺會議上提出關於「全方位增加土地供應」嘅議案,會上唔同議員都促請政府多管齊下增加土地供應,包括發展棕地、發展生態價值較低嘅郊野公園邊陲地等。無錯,香港土地房屋問題嚴峻,與其話優先處理某啲土地選項,最好嘅方法,其實係方方面面、全方位覓地拓地!


須留意郊野公園邊陲地


據傳媒報道,提出議案嘅工聯會立法會議員黃國健指出,郊野公園佔四成,連同農地、荒地同林地等,佔咗香港七成半土地;佢又以新加坡為例子,指出當地嘅自然公園同保育用地只佔約8%,就算計埋水庫用地,都只佔13%,但未曾聽聞新加坡市民嘅生活質素下降,及指責破壞生態環境,相信只要動用呢啲土地時規劃得宜,唔會影響環境同市民生活。


而發展局局長黃緯綸認同要增加土地供應,強調發展郊野公園邊陲地,唔係土地專責小組建議優先處理嘅項目,但「長遠有需要都會研究」云云。囍雨想講,唔係「小組」建議優先處理嘅項目,就唔可以立即研究推行?第一個問題在於,依家房屋尤其係樓價高企問題,香港仲有條件「慢慢做」、「慢慢研究」?第二個問題,喺小組優先建議嘅項目中,唔計填海大約有1,700多公頃嘅「土地選項」,有關「土地選項」例如發展棕地等,有咩大進展?興建到幾多住宅單位?


要急市民所急


囍雨絕對唔反對填海、發展棕地,只係我哋需要嘅,係全方位覓地,而唔係選擇個別「選項」再作打算,而且係應該有具體發展計劃,唔再係原則性討論;以棕地為例,就當政府搵到以百公頃嘅棕地適合建屋,咁啲棕地上面有冇工商業活動?駛唔駛安置相關作業者?如果涉及大型機械,又安唔安置到?又或者講填海,如果最快要十幾年之後先可以入伙,咁香港年輕人要等填海地,咪要等到中年?


囍雨留意到,相關議案最後無喺立法會通過。對於立法會議員之間各有考慮,囍雨無意見,只係如果立法會能夠俾到清晰訊息大家,「社會應該排除萬難、一齊努力覓地,唔會為咗個別選項而放棄全方位覓地」,咁大家話幾好呢?解決土地房屋問題,或者我哋欠缺嘅就係共識與決心! 


圖片來源:政府網頁


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

8
好正
6
心心眼
2
好好笑
3
令人傷心
3
嬲爆

評論

  • shuyicai58@outlook.com
    shuyicai58@outlook.com
    4天前
    0 回應
    以最新版刊登国际interntional 商业经济发展形势
    • shuyicai58@outlook.com
      shuyicai58@outlook.com
      4天前
      0 回應
      并与美国特别情报局联合举办全球商业机密情报录
      • shuyicai58@outlook.com
        shuyicai58@outlook.com
        4天前
        0 回應
        总结了新界近年来发展飞速。

        沒有更多評論

        沒有更多評論