每當有失德教師、問題教師出現，大家未必會見到涉事教師真身，亦未必知道涉事教師教邊間學校，但有一樣嘢係肯定嘅，就係大家會見到葉建源走出嚟包庇失德或問題教師！近日，有教師因為極其嚴重扭曲鴉片戰爭歷史，被教育局認為其教學嚴重錯誤，所以取消其教師註冊；呢個時候教協葉建源又出嚟包庇涉事教師，稱教育局做法唔公道，又認為事件不涉及政治問題，但喺政治環境下發生，從無教師因為教學能力而被取消註冊云云。關政治事嘅，係「打壓」；唔關政治事嘅，又話未試過咁DQ教師，咁樣「龍門任搬」，葉建源同教協「玩晒」啦！ 

葉建源、教協的「神邏輯」

同之前其他教師失德事件唔同，今次葉建源係承認涉事教師「歷史知識確有不足」嘅，喺呢一點，廣男首先想同葉建源斟酌，一個教師，總有佢未必熟嘅內容要教，問題唔止係熟與唔熟某方面知識，而係個教師要備課嘛！如果教師無備好課，嚴重扭曲咗史實同教學內容，咁涉事教師被DQ，有咩好怨？就如一個打工仔無做好份工，被處分甚至解僱，咁都要拗？

老實講，關政治事嘅，例如教師喺教案「宣獨」、散播仇警言論等等，教協因為政治理由要包庇到底；好喇，今次事件，係一單關乎教師能力、知識、承擔嘅事件，而且連葉建源都認個教師「有問題」，咁又要包庇？如果任何問題教師都要包庇，咁教協嘅存在，就完全係為咗包庇問題教師，為禍教育界！

多少失德教師是教協會員？

大家留意下，連同宣道小學被DQ嘅「宣獨」教師，兩個被教育局DQ嘅小學教師，都由教協「協助」，大家應該問下，兩個涉事教師係咪都係教協會員？仲有，過去一年多已經被教育局裁定為專業失德嘅教師，又有幾多個係教協會員？教師作為專業人士，教協作為教師團體，係咪應該公開教協會員中嘅失德教師名單？如果專業人士犯上專業錯誤而被「保護身份」，對家長、學生都唔公平。

葉建源以至教協，經過一年多嘅黑暴運動，大家都應該見到，佢哋根本係失德教師嘅最大保護傘，亦係教育界禍端嘅「包庇者」；所謂「打黑先打傘」，教育局以至全社會，都應該諗下應該點對待教協。 

圖片來源：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk