出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
名校也爆退學潮?
名校也爆退學潮?

喺香港,為人父母者無不希望「望子成龍」,若然仔女能夠考入名校,無論係中學定大學,都可謂光宗耀祖嘅大喜事;過往為一個名校學額「爭崩頭」,「豪擲千萬搬入名校區」嘅新聞,早已不足為奇,所以,當囍雨聽聞傳統名校如今竟然爆出「退學潮」,老實講,有啲難以置信。


今日就有新聞提到其中兩間出現退學潮嘅名校。一間係拔萃女書院,校方不諱言因應該校各級嘅退學情况,近日已經罕有地開始公開招收本學年下學期嘅中一至中四插班生;另一間位於深水埗嘅名校英華書院,上學年學期末已經有大約40至50名不同班別學生退學,新學年開始後亦有10多名學生退學,校方同樣要通過招收插班生以填補學位空缺。


招收插班生填補學位


試諗下,以前「插針都插唔入」嘅傳統名校,如今竟然要靠招收插班生維持學位,究竟出咗咩問題?係咪值得社會深思呢?有人話,送得仔女入名校嘅家庭,多數經濟環境唔錯,可能一早已經準備移民,依家只不過「提前咗」;亦有人話眼見香港社會動盪,又有國安法,所以「加速咗離開」等等。但講真,囍雨有啲懷疑,真係「僅此而已」?


選擇中途退學,對學生對家長都唔係一個容易嘅決定,當然,家家都有自己「一本經」,囍雨喺度無謂過度揣測,不過就以上文提到嘅兩間名校嚟講,唔知算唔算「巧合」,都係曾經喺黑暴運動中「出過事」嘅學校。例如拔萃女書院,其一名通識科老師就因為參與舊年6.12金鐘暴動而「出嗮名」,結果今年不獲校方續約;又例如英華書院,今年6月就被爆出有數十名學生喺小息期間,聚集於學校操場唱港獨歌、嗌港獨口號,而且竟然現場冇老師過問、制止。咁大家認為,會唔會因為有家長唔想自己仔女喺學校被人政治洗腦,又或者被政見唔同嘅同學欺凌、影響,而選擇退學或者轉校呢?


是政治入侵校園的影響


按照英華書院校長鄭鈞傑所講,「幾乎全香港的學校都面對緊同樣問題」,如果屬實,咁囍雨自然會問,唔通個個學生退學都係因為「有錢移民」咩?坦白講,囍雨身邊亦都不乏有家長已經將仔女送番內地讀書,理由好簡單,一係內地疫情控制得好,二係內地冇黑暴肆虐。最起碼,小朋友可以喺一個健康、安全嘅社會環境中成長。


囍雨就覺得,眼下退學潮反映一個現象,就係無論家長自己持有何種政見,其實都並唔想自己仔女喺求學階段,就過早受到政治入侵校園嘅影響,但縱觀過去一年幾香港校園種種亂象,教師中播獨者有之,煽動仇警、欺凌者有之,甚至參與暴動者有之…試問喺咁嘅情形之下,父母點知仔女久而久之會「變成點」?


今日嘅「退學潮」,某種層面上其實再次警醒大家,香港嘅教育真係除咗問題,而且「病得唔輕」,為了孩子,大家唔可以坐視不理。


圖片來源:RTHK


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

32
好正
5
心心眼
15
好好笑
8
令人傷心
6
嬲爆

評論

  • +85298****17
    +85298****17
    2月前
    0 回應
    睇埋呢個學年啲學校表態啦,若仍支持丶避事或包庇黑暴,家長唔想子女成為黑心人啲馬前卒,一係出國呀一係返祖國讀書啦,

    沒有更多評論

    沒有更多評論