出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
葉建源不敢正視的黑暴
葉建源不敢正視的黑暴

因為教育界不斷出現失德教師甚至違法教師,社會有聲音要求嚴肅處理「問題」教師,全國政協副主席梁振英日前出席電台節目,提及到青年被捕與教師、教育嘅關係,「凡教師必包庇」嘅立法會教育界議員葉建源回應有關說法,稱「過去一年社會衝突源於政府施政失當及警方濫用武力」,又指梁振英所指嘅英國嘅TRA(Teaching Regulation Agency)「只接受實名投訴,會確保被調查老師獲公平對待」,囍雨想問下葉建源,如果係實名投訴、有一套制度,佢係咪就贊成公開涉嫌失德嘅教師姓名呢?

 

對於葉建源將社會衝突歸因於政府或者警方,囍雨必先要強調,葉建源所講嘅嘢,完全係出於「攬炒派」視角,說起「社會衝突」,即係黑暴運動,除咗教育問題,一個極度重要嘅「源頭」,就係攬炒派政客同媒體嘅煽動,葉建源強調「政府同警方」不當,點解唔見佢講下攬炒派政客喺呢一年多時間做過乜?仲有,暴徒打砸搶燒、殺人放火,葉建源又唔仔細評論下相關暴行?

  

葉建源也支持公開失德教師姓名?

 

至於「TRA只接受實名投訴」,囍雨留意到葉建源喺Facebook有個發帖題為「要抄請抄全套」,內容指英國TRA嘅制度同香港各個專業相似,「都是法定的、講求程序公義的」,仲話自己贊成呢種制度,「千萬不要只抄一點,要抄,請抄全套」;根據葉建源呢個說法,即係佢都贊成有一套制度,當中會公開涉事教師姓名,囍雨應該無理解錯嘛?如果係,記得唔好縮呀!

 

事實上,由黑暴運動至今,單單係關於教師喺運動當中嘅投訴就超過200宗,教協以至葉建源,基本上都無對外交代過,呢啲人當中,尤其係投訴已經成立嘅,有幾多係佢哋會員,佢哋任教邊間學校;一個教師工會,連自己個會有幾多失德教師都唔公布,有幾專業,真係心中有數。

 

教協是政治組織

 

基本上,葉建源以至教協喺過去一年,都係同失德教師「同行」,仇警教師,撐;歪曲歷史抹黑中國嘅,撐;宣揚「港獨」教師,又撐;所以,囍雨絕對認為,葉建源立場,其實就係攬炒派嘅立場。至於教協,只顧包庇失德教師,不顧學生福祉,好明顯只係一個反政府組織,或者專門包庇失德教師嘅「工會」,係咁多! 


圖片來源:文匯報


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

 

瀏覽我們的IG:https://www.instagram.com/speakout_hk/?hl=zh-hk

20
好正
8
心心眼
4
好好笑
3
令人傷心
17
嬲爆

評論

  • +85260****34
    +85260****34
    1月前
    0 回應
    教师资格要重新檢討以免禍害年青人

    沒有更多評論

    沒有更多評論