出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
引用公開資料 何來「起底」?
引用公開資料 何來「起底」?

噚日,《803基金》從傳媒報道已經被告上法庭嘅刑事案開始,列出咗18名教師嘅控罪及案情,本來有人整合、發放公開資料,而且係關乎公眾利益嘅教師資料,問題不大,但向來逢「問題」教師必支持、逢反黑暴人士都針對嘅攬炒派政客,似乎對事件就相當「大反應」,例如民主黨立法會議員許智峯,就稱有關做法如「文革式批鬥」,擬向個人資料私隱專員投訴,甚至不排除提出「私人檢控」,而身兼教協副會長嘅葉建源,就話發文嘅全國政協副主席梁振英「旨在搞風搞雨,立心不良攻擊教育界」。囍雨就質疑攬炒派政客,既然傳媒都已經報道過嘅事件,點解《803基金》唔可以再引用?


先看資料來源再攻訐吧!


囍雨睇相關社交發文,絕對唔係咩「起18涉案教師底」,因為每一項教師案件,都係有上法庭、經傳媒報道過,《803基金》只係整理以及求證再作公告。咁囍雨首先就有個問題,如果有關教師資料已經喺媒體公開過,咁其他人引用、轉述,咁算係起底咩?案件「主角」已經俾傳媒公開咗,又係咪真有私隱可言?


更重要嘅係,撇除資料係已公開之外,呢啲教師資料,除咗涉及教師本身,亦涉及佢哋所任教嘅學校同學生,如果一個教師涉嫌參與暴動、襲警以至縱火等,咁家長、學生有冇知情權?家長、學生願唔願意俾呢啲教師「繼續教」,係一個問題,但最起碼,應該俾佢哋知道嘛!


講開起底,由去年黑暴運動至今,最鍾意起底嘅就係攬炒派同反政府人士,有人甚至為咗起底,不惜用非法手段取得唔同人士嘅個人資料;相比之下,《803基金》以至梁振英,只係用返被傳媒報道過嘅資料,手法來得正當,用法亦唔過分。如果攬炒派係「咁反對」起底,咁囍雨又要問一句,你哋會唔會讉責起警察及佢哋家人朋友底嘅人呢?如果唔會,咪又係雙重標準囉。


有人一心包庇「問題」教師


成件事嘅重點,並唔係咩人引用咗甚麼公開資料,而係有啲別有用心嘅人,包括所謂教育界人士,竟然唔企喺家長、學生嘅福祉一邊,反而要包庇「問題」教師。喺呢度,囍雨想同葉建源講句,唔係有人要攻擊教育界,而係有人想「包藏禍心」,盲目護短、害死教育界!


原圖:中通社


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

29
好正
7
心心眼
6
好好笑
1
令人傷心
7
嬲爆

評論