出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
教育局沒有避事?
教育局沒有避事?

今日,囍雨睇新聞,見到有傳媒披露有中學教師喺學生群組中,發布涉嫌抹黑「港區國安法」、諷刺國家官員嘅文章,事後該校校長證實了相關消息,表明該校「深感抱歉」,其校董會亦按機機制對涉事教師發出書面警告,而教育局則表示,已要求學校調查事件及提交報告,如發現個案涉及教師違反專業操守,會「嚴肅跟進」。點解教育局經常「嚴肅跟進」教師失德事件,呢啲事件依然屢禁不絕?會唔會係教育局根本未夠強硬,令到有部分教師有恃無恐?

 

教育局的「毋懼挑戰」?

 

囍雨之所以喺以上事件「又諗到教育局」,係因為近日有社會人士質疑教育局「為官避事」,而教育局回覆傳查詢時,竟然聲稱自己「以學生福祉為依歸,毋懼失德教師及壓力團體挑戰,從來沒有『唔好搞大佢』的不負責任態度」;對於教育局嘅回應,囍雨先要問一句,如果教育局無「避事」,會嚴肅處理個案,點解仲未阻嚇到教師嘅失德行為呢?

 

教師失德問題越揭越有,囍雨覺得失德教師有其問題,但教育局嘅處理手法,一樣值得商榷。舉個例子,之前喺社交平台發表仇警言論嘅中學教師戴健暉、賴得鐘,點解教育局無直接取消佢哋教師註冊呢?又例如,之前教育大學講師直頭喺電視節目散播不實嘅仇警訊息,事後社會又唔見教育局有做過啲咩跟進,點解嘅?

 

家長學生福祉受損

 

其實,外界要求教育局公開失德教師嘅學校名稱,其道理就好似市民要求政府公開新冠肺炎患者去過嘅地方一樣,等學生、家長以至其他社會人士都知道邊間學校有失德教師,之後不論家長要為子女另作打算都好,選擇權都喺家長、學生手上;如今教育局諱莫如深,表面上喺「保障」到涉事教師嘅「私隱」,但囍雨質疑,咁對家長同外界根本就唔公平。換個角度,如果有家長「唔知掟」安排咗子女入一間有失德教師嘅學校讀書,之後子女被洗腦成為「抗爭分子」、「衝衝子」,真係欲哭無淚。

 

囍雨覺得,教育局最應該保護嘅,係學生同家長嘅權利,將失德教師嘅學校名單收埋,外界對學校、教師狀況一無所知,想避開失德教師都無方法;教育局應該知道,由黑暴運動至今已經有近4,000名學生,教育局最應該做嘅,係用盡一切方法保護學生同家長,而唔係「保障」失德教師! 


圖片來源:文匯報


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

10
好正
2
心心眼
2
好好笑
3
令人傷心
17
嬲爆

評論