抗爭，攬炒，有人話呢兩樣嘢係攬炒派嘅行動綱領，廣男話錯，而且錯晒，呢兩樣嘢，只係攬炒派嘅政治口號！近日，關於有聲音要求攬炒派議員總辭，但攬炒派議員態度曖曖昧昧，廣男覺得只要政府願意委任佢哋做多年，就算外界聲音有幾反對，佢哋一樣會「繼續做」。最新消息，係較為近「抗爭派」嘅議員朱凱廸都表態喇，不過，佢完全無講到會辭職，其意思甚有「留後路」嘅感覺，廣男想問朱凱廸一句，佢唔係講過港人要有「跳崖嘅勇氣」咩？做乜佢自己唔跳？
朱凱廸「縮了」？
為免廣男演繹朱凱廸說話時「有所曲解」，廣男就喺度原文照錄朱凱廸喺接受媒體訪問嘅時候講咩，等大家自己判斷：
曾參與民主派會議商討立法會延任問題的朱凱廸稱，相信昨日黎智英被捕及《蘋果》遭搜查一事，會令更多市民支持民主派杯葛延續工作的立法會。朱指本來認為在香港整體自由，包括言論、新聞及學術自由收縮的情況下，杯葛或參與立法會都屬次要，反而是立法會選舉被取消，切斷了民主派透過選舉重組的問題才是關鍵。
對於朱凱廸呢個說法，廣男首先想問一句，「杯葛或參與立法會都屬次要」，呢句到底係咩意思，即係辭職定唔辭職，會接受委任定唔接受？朱凱廸叫人「跳崖」果時，好型的，點解依家講到自己議席、薪酬問題，就即刻態度咁曖昧，佢叫港人跳崖，但自己就可能想繼續享受「高薪厚祿」？如果真係咁，好「衰仔」啫！
所以話呢，抗爭派？係笑話！乜嘢「狹路相逢，勇者勝」，更加係大笑話，其他人笑朱凱廸呢啲政客，唔緊要，總知佢就係唔表態話總辭，可悲嘅係，唔少支持者過去一年相信攬炒派、抗爭派而去抗爭，但到最後，呢班人擺出嚟個勢，簡單嚟講就係戀棧權位，真係「令人失望」
涂謹申說漏了咀？
有傳媒報道，民主黨立法會議員涂謹申表示支持者「傾向反對派議員全部留任的人佔較多」，呢個係咪民主黨立場，又係咪朱凱廸嘅立場？如果朱凱廸覺得其他人誤會佢，睇少咗佢嘅抗爭決心，好簡單，辭職啦！話俾人聽，「崖，係咁跳嘅」，否則，唔好扮抗爭派喇，擺明就係好需要議會份人工嘅「出糧派」咋！
原圖：文匯報
請Follow我們的YouTube頻道：
下載我們的手機應用程式，收看第一手精彩內容：
瀏覽我們的IG：https://www.instagram.com/speakout_hk/?hl=zh-hk
評論