出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
教協講大話「報大數」仲要死撐?
教協講大話「報大數」仲要死撐?

對於盲反派搞集會、遊行,好多時都會被批評佢哋喺參與人數方面「報大數」;早前教協喺愛丁堡廣場舉辦咗一場集會,聲稱有「兩萬教師出席集會」,但之後就俾人質疑佢哋「呃秤」、「報大數」,「心有不甘」嘅集會搞手、教育界立法會議員葉建源,就特登寫文反駁指控,稱教協被誣衊,仲話教協當晚「派出專人從高處實地點算人流,因此經點算出席人數不是估算數字,是經真實可靠的方法得出的數字」。不過,之後又俾人質疑,事實擺在眼前,以科學計算,愛丁堡廣場面積根本容納唔到咁多人,教協「大話冚大話」其實都好明顯?

 

廣場能容納二萬人?

 

根據葉建源嘅講法,「教協當晚舉辦的是一場集會,不少參與者進入場地後會選擇適當位置坐下或佇立,參與者流動性較低,這亦有利我們的統計員點算人數,相信相關數字會貼近實際出席人數。而實際上,當晚參與教協集會的人數眾多,當參與者陸續佔滿愛丁堡廣場後,不少參與者更倒灌到愛丁堡廣場旁的郵政總局及附近通道」;但係,有人特意請專業測量師喺政府用嘅測量圖量度,廣場面積約近4,200平方米,發現如果廣場要容納兩萬人,每平方米要「坐下或佇立」至少4.79個人。換句話說,一平方米地方,要坐成近5個人,唔係囍雨想笑葉建源,但一平方米要坐近五個人,就算係小朋友都好難坐啦!更何況,警方都話參加人數「最高峰」都係得2,500人,教協話有兩萬人,似乎「爭好遠」喎!

 

至於葉建源話現場好多人「倒灌」到廣場隔離嘅郵政總局同附近通道,又俾人踢爆話根據當晚當值警員嘅觀察,現場無因為人多溢出馬路而封路嘅情況,而相對於兩萬人嘅集會規模,郵政總局同附近通道嘅面積亦都係微不足道。囍雨睇葉建源嘅講法,再比較返其他人嘅專業估算,覺得件事極可疑,甚至一係葉建源講大話,一係就幫佢哋點人數嘅人講大話,又或者兩者夾埋一齊講大話!

 

又稱「白色恐怖」

 

講完人數問題,囍雨亦要不厭其煩地講下葉建源以至教協不斷強調嘅「白色恐怖」問題;依家教育界嘅問題,在於不斷有教師涉嫌違法或者有違專業操守,教育局無可能唔處理,乜著手處理「有問題」教師都叫「白色恐怖」?定係教協縱容暴力縱到「上晒腦」先?好心葉建源講清楚事實、是非先啦!

 

葉建源、教協既然堅稱集會有兩萬人參與,甚至指自己被誣衊,囍雨真心建議葉建源、教協交出點算人數嘅相關證據,交代清楚點樣點人數,等公眾好好判斷下,如果為人師表都講大話「呃秤」,又點樣以身作則教導下一代,請教協 、葉建源等人好好反省!


圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

9
嬲爆
0
超無奈
0
無意見

評論