警方有陰謀 定李柱銘有陰謀?
警方有陰謀 定李柱銘有陰謀?

個別激進示威者喺7月1日「強攻」、佔領同大肆破壞立法會大樓,受到各方人士強烈譴責;一向擅長將責任「推俾人」、扭曲是非嘅盲反派政客,就「心生一計」,話成件事係警方嘅「陰謀」,稱警察擺出「空城計」,任由示威者暴力衝擊,完全無視當日警方嘅處境有幾危險。今日廣男睇新聞,見到盲反派元老、資深大律師李柱銘事隔咁耐都仲要加入戰團,聲稱呢個係「大陰謀」,指事件係「精心策劃」;廣男真係想講,班示威者咁有系統地衝擊、破壞立法會,李柱銘唔譴責暴力反而倒過來話受害者(政府、警察)係「精心策劃」地「受害」,呢啲算唔算係「狀棍本色」?

 

又想老屈政府、警方

 

今日李柱銘喺《生果報》有篇題為〈棄守立法會的大陰謀〉嘅文章,其大意就係話7.1衝擊立法會事件,係一場幫助建制陣營突破困局嘅暴力事件,因為佢相信全世界無警方會縱容示威者不停衝擊,「如同投降般將大樓雙手奉上給示威者破壞」,甚至質疑帶頭衝擊嘅係真正嘅示威者,定係「幕後黑手」安插煽惑其他示威者嘅「演員」,而警方嘅「容忍」,就要係令「反送中運動蒙上暴力陰影,乃是精心策劃、必不可少的一步」。

 

對於李柱銘嘅一番偉論,廣男覺得李柱銘首先要搞清楚當時係咩一回事,當日喺立法會大樓以外嘅示威者成千上萬,如果警方硬要喺立法會外作驅散,恐怕會出現流血衝突;又或者,如果班示威者衝入立法會後清場呢,由於立法會入面地方狹窄,又隨時會發生「人踩人」慘劇。睇番當日情況,有示威者投擲白色有毒粉末同投擲着火物體,李柱銘講到警方應該阻止甚至「清場」咁款,佢係咪好想有流血或者人踩人事件發生呢?事實上,警方喺夜晚先採取行動嘅決定,最後並無流血事件發生,印證左警方決定既克制又有效。

 

李柱銘不譴責暴力

 

值得大家留意嘅係,李柱銘似乎無譴責暴力或者示威者,甚至稱「先不論帶頭衝擊立法會的,是真正的示威者,還是『幕後黑手』安插來煽惑其他示威者的『演員』」,言下之意,李柱銘係咪想講示威者被煽動、被煽惑,件事其實唔可以怪反修例陣營呢?更重要嘅問題,李柱銘作為「和理非」黨精神領袖,做乜唔譴責暴力,係咪盲反派包括民主黨,已經變成包庇暴力黨? 定係佢發揮一貫戾橫折曲、混淆視聽本色,將暴力示威者嘅責任轉移到警隊身上?


原圖:RTHK

14
支持
12
好正
1
無意見

評論

  • jthk
    jthk
    4年前
    0 回應 檢舉
    勾結外國的漢奸不都在搞暗謀顛覆國家嗎?就算警隊真的搞陰謀,也代表了國家與特區的整體行益。我們愛香港的市民,認為搞得太少陰謀了!其實警隊亦沒搞什麼呀,祇是在危險關頭,大批暴民衝入立法會時撤退,絕對是指揮官的100%正確決定,否則唔知會有多少警員受傷。警察祇是打工,不是賣命。人家也有家爺仔女,不同靠黑金養的政棍、狀棍同學棍,洒少少金錢出去,就大把亡命之徒出來襲警。
    • Iyin Cho
      Iyin Cho
      4年前
      0 回應 檢舉
      做記者 做著你 真係可悲 你老母湊大你好辛苦 有人唔做去做狗奴才

      沒有更多評論

      沒有更多評論