聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
梁繼平的「成名之路」
梁繼平的「成名之路」

2016年旺角暴動中,率領人群大叫「三、二、一,衝」嘅逃犯黃台仰,暴動之後喺網上留下「豪情壯語」,聲稱要「寧為玉碎、不作瓦全」,結果呢?人未「碎」,黃台仰就已經棄保潛逃去咗德國尋求庇護,依家仲做埋德國嘅「政治難民」,有書讀仲成日曝光出鏡、喺唔同場合發表反中反港嘅言論。廣男突然提起黃台仰,係因為發覺今日歷史似乎又再重演,喺七一有份「攻陷」立法會、喺議事廳除低口罩發表「佔領宣言」嘅「港獨友」梁繼平,據報衝完立法會第二日,就已經搭飛機去美國。故事之後嘅發展會係點?廣男就覺得,似乎又係行緊同黃台仰極為相似嘅「成名之路」喎。


依家講起呢位梁繼平,相信大家同樣都會對佢喺議事廳嘅「豪情壯語」記憶猶新,尤其係當佢講到「如果撤離就會變成傳媒口中嘅暴徒」、「一齊佔領立法會,人越多就越安全」以及「一世只有一次嘅機會、已經冇沒有回頭路」之時,聽佢「支笛」衝果班人有冇「回頭路」廣男就唔知,不過梁繼平就似乎一早鋪定嗮後路,消息透露,佢表面上仲喺度不停煽動緊啲示威者「留守立法會、繼續衝擊」,其實暗裡一早已經買好機票,有消息指佢衝完立法會第二日就去咗台灣,依家仲已經安全返到美國添!睇嚟真係好有「準備」 喎,擺明又係「潛逃」啦!


其他人又會點?


喺美國華盛頓大學讀緊政治學博士嘅梁繼平,今次潛逃之後,前途又會係點呢?廣男就喺度諗,幾年之後,梁繼平好有可能成為美國公民,喺外國某啲勢力嘅「庇護、支持」之下,完成政治博士課程,之後又可能會成為「學者」,發表啲反中反港嘅「研究」、甚至成為反中標誌……但問題係,其他跟住佢衝擊、佔領立法會嘅後生仔,佢哋嘅人生又會係點呢?廣男想講,真係好抱歉啦,如果涉嫌做咗違法嘅事,咁都好大機會被捕、被起訴、甚至可能要坐監,隨時前程盡毀,最低限度都會有個案底伴隨一生。


殘酷的政治


依家諗番,廣男先明白,點解梁繼平當日會「勇」到除口罩,原來所有嘢背後,一早已經有後路、有鋪排,「衝擊立法會」仲可能成為佢嘅「代表作」,佢越公開身份就越安全,但可憐佢果班「戰友、夥伴」,除咗畀人「踩住上」,睇嚟恐怕就日日提心吊膽、只能等待被拘捕了。廣男真係要講一句:政治最殘酷嘅地方,,在於高高在上嘅行動領袖,永遠都有後路;而冇後台、冇後路嘅年輕人,就只可以等待被犧牲。後生仔,醒下啦!


原圖:Facebook

69
嬲爆
13
驚訝
26
唔係呀哇

評論

  • jthk
    jthk
    4月前
    0 回應
    如此易便可以移民,請各大學生去金主辦公室排隊攞機票去移民。記住暴力抗爭時千祈不要戴口罩及眼罩,戴了人家認唔出,唔會批政治庇護。更要盡快去警處自首,讓警方快快拘捕、起訴,才可歸類為政治犯,才可申請政治庇護。金主冇錢俾,就學阿桑奇,是旦衝入一個歐美領事館過日子!
    • jthk
      jthk
      4月前
      0 回應
      這些社會垃圾,香港並不需要,免得變了臭港。外國喜歡回收垃圾,多多都可以給!
      • jthk
        jthk
        4月前
        0 回應
        有好多大學教職員都係搞政治來保飯碗,把自己跟政治拉上關係,站在反對派一邊,學術水平幾差,校長都不敢終止其聘用合約。大學與學生就此成為政治受害人,社會更是。不是政治不能干預學術嗎?泛民學棍有如此嚴重的政治傾向,便可以在大學橫行。好似戴耀廷搞佔中,港大就成為佔中指揮所,在大學洗腦。又有護理系的教師要求學生去佔領地點,美其名為實習,真正目的是逼學生去佔領,壯大佔領人數,學生敢出聲嗎?家長敢出聲嗎?香港的大學校長,怎可以此膽小怕事埋沒良心,睇住學生被帶往不歸路,入大學卻成了監犯,這對得住學生嗎?

        沒有更多評論

        沒有更多評論