聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
助選派湯券?李卓人隨時被DQ?
助選派湯券?李卓人隨時被DQ?

仲有兩日就係立法會九龍西補選投票日,可以話已經進入最後直路。以為又係悶戰一場,點都近日竟然有傳媒接獲市民爆料,發現其中一名候選人,即係工黨嗰個「老油條」李卓人呢,幫佢助選嘅義工喺街度派單張嘅時候,竟然附有另一區議員余德寶派湯水嘅單張,仲話明可以領取埋免費保溫壺。李卓人接受傳媒查詢時,承認派「湯水單張」嘅係佢義工,仲話只係一時大意,但係咁做好有賄選之嫌喎。廣男覺得,反對派平時成日指摘其他人選舉出「奧步」(古惑招),又話人「蛇齋餅粽」,原來自己團隊送湯送壺,真係好諷刺!


有湯水、有湯壺


根據傳媒取得市民提供嘅影片,拍到一個姓溫嘅李卓人義工,向途人派發李卓人同公民黨區議員余德寶嘅單張,其中余德寶單張內容係派發月曆同免費湯水,仲話到時會連埋保溫壺一齊送畀市民,嘩,真係好大手筆喎!而據片段中該名溫姓義工講,佢的確係為李卓人助選,而且仲話「有旅行可以參加」、「成日都會搞旅行」。不過,當有市民去余德寶辦公室攞湯水嘅時候,發現余德寶親自為市民登記電話等個人資料,而湯水就要等到12月1日先派發;李卓人接受傳媒查詢時雖然承認片中人係佢義工,但就唔認為事件涉及賄選。


廣男認為,如果報道屬實、百份百準確的話,咁李卓人團隊好可能有賄選之嫌!冇錯,李卓人單張的確無直接話叫人去攞任何東西,但余德寶嘅單張明顯係「有嘢派畀市民」,當將兩張單張同時派畀市民嘅時候,好難唔令人將「派湯送壺」呢件事同李卓人拉上關係。打個譬如,如果有個候選人嘅義工,派單張叫人支持某位候選人,同時派另一張單張叫人去另一度排隊去攞錢,咁大家話算唔算賄選呢?


不可賄賂選民


事實上,任何人為另一人提供食物、飲料或者娛樂,以誘使另一人或其他人喺選舉入面投票畀某人,可能已經違反咗《選舉(舞弊及非法行為)條例》第12條,後果可大可小。其實,李卓人義工派其他單張講明「送湯送壺」就算無犯法都好,李卓人作為資深政客,佢啲義工為咗選票做啲咁踩界嘅行為,喺道德上真係咪完全無問題?接受傳媒訪問嘅時候仲要唔認衰,死撐話覺得冇問題,如果呢啲就係佢嘅道德標準的話,唔怪得當日接受壹傳媒老闆黎智英捐款時,會將啲政治獻金存入自己銀行戶口「袋住先」啦。而家,真係明白晒喇!


現時立法會九龍西補選共有五名候選人,包括伍迪希、曾麗文、李卓人、馮檢基同陳凱欣。


原圖:Takungpao

64
嬲爆
1
驚訝
8
唔係呀哇
5
無意見

評論