出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
砌錯高鐵抽錯水 鄭松泰急急道歉
砌錯高鐵抽錯水 鄭松泰急急道歉

香港段高鐵就嚟通車,對於盲反派而言,高鐵始終係佢哋針對政府甚至中央嘅「攻擊點」;早前超強颱風「山竹」襲港,立法會議員鄭松泰收到市民報料話西九高鐵站「爆玻璃」之後,就急急狙擊港鐵同政府要求回應,之後港鐵回覆傳媒查詢,根本就冇爆玻璃呢件事,而派咗職員「現場視察」嘅鄭松泰,最後就話因為資訊混亂而致歉。一個立法會議員未證實消息就質疑政府,咁樣有冇問題呢?咁心急想「砌」高鐵,鄭松泰到底又諗緊咩呢?

議員有充足時間查證事件

根據傳媒報道,鄭松泰辦事處係喺18日、即係星期二收到「市民報料」,佢哋就事件要求港鐵同政府回應;囍雨就喺度諗,「山竹」大約喺星期日零晨時份吹襲香港掛八號波,星期一早上已經唔係八號波大家要番工,如果鄭松泰星期二收到「報料」,理論上佢或者佢啲職員絕對可以去西九高鐵站查證咗先要港鐵、政府回應,點解佢要咁心急「質」政府呢?

鄭松泰作為一個有「民意授權」嘅立法會議員,作出質疑或者指控嘅時候都應該有根有據,而家收到所謂「市民報料」就去「質」政府,連查證工作都唔做,好似懶咗啲喎!囍雨實在懷疑,鄭松泰可能係因為太心急要「抽政府水」,或者認為有關高鐵嘅文章「大有作為」,所以連查證工夫都慳番,但結果咪搞到自己「抽水抽著火水」囉!

鄭松泰的二三事

鄭松泰發生「抽錯水」事件,就令囍雨諗起幾年前前特首梁振英落區,有到現場嘅鄭松泰就質問梁振英點解要出動咁多警力保護自己,而唔派多啲警察搵番當時據報係失蹤嘅細路女,結果呢?結果畀人批評佢「亂抽水」之餘,原來係果個細路女唔係失蹤,而係懷疑畀佢自己媽媽棄置喺垃圾桶,鄭松泰為咗「抽水」、「攻訐政府」,真係乜都講得出口。其實作為一個政客,有時好難避免要抽下「政治水」,但鄭松泰自己身為立法會議員兼極高歷嘅博士,下下都玩「亂入」,會畀人覺得盲反派議員原來最叻就係玩「老屈」,你話幾咁失禮人! 

原圖:鄭松泰Facebook專頁

17
搞笑咩
1
幾正
6
唔係呀哇
4
好好笑
7
無計啦

評論