民主派47人參與「35+」初選，涉嫌爭取立法會過半無差別否決財案被控，16人否認串謀顛覆國家政權罪。認罪的控方證人趙家賢今日繼續在西九龍法院作供，他憶述2020年3月26日戴耀廷及區諾軒召開初選記者會前全不知情，「民主動力當時完全排除在外，完全冇角色」。趙坦言獲交托民動後，「我有個使命係繼續將個組織維持運作」，但「如果之後工作由戴耀廷做晒、獲得授權嘅話，民主動力壽終正寢，唔需要有任何工作」。
副刑事檢控專員萬德豪主問下，趙家賢提到3月26日戴耀廷區諾軒等召開初選記者會，自己當時收到新聞直播通知才知道，事前並不知情。翌日民主動力Facebook分享了朱凱廸帖文，其中一句指「香港民主派在議會過半，代表香港人選擇與中共攤牌」，趙家賢否認此屬民動觀點，分享帖文只因文章交代了部分記者會重點。趙家賢解釋「因為呢本身3月26日個記者會呢，你都會見到陣容好重量級嘅，唔同嘅版塊同專業界別功能組別立法會議員陪同戴耀廷區諾軒出席會議，而其實我哋民主動力冇收到任何邀請」。趙家賢續指想帶出整個協調的轉變，憶述記者會前後「區諾軒同我講戴耀廷獲得民主派元老嘅充份支持，即係民主動力當時係絕對冇獲得授權做任何協調角色，我哋再知道3月26日記者會之後當然要了解下各方面情況係點樣」，趙家賢坦言「呢個Facebook 帖文叫做向公眾睇到民主動力好似喺呢件事有跟進到，其實網上個做法叫做只係吸like，變咗公眾唔知道民主動力當時完全排除在外，完全冇角色」。李官問道「你感到尷尬？」趙家賢同意指李官「形容得好準確」。
《國安法》指定法官李運騰回溯2020年3月19日民動Facebook帖文《民主動力 : 有關立法會協調工作及回應民間要求初選安排的意見》中指，「在戴耀廷副教授主持下，根據當時最大公約數的結論，九龍東情況可透過棄選機制方式處理」。趙家賢解釋文章回應公眾關注初選安排，重申3月至5月期間未承辦初選，5月初完成選民登記活動後獲戴區邀請承辦初選，同月中下旬諮詢2位副召集人經考慮過後才答應戴耀廷。趙家賢憶述考慮期間，戴「已經喺一啲協調會議話『我已經邀請咗民主動力幫手喇』」，趙家賢批評戴當時「對人講事實嘅一部份，但係佢冇講民主動力仍在想考慮中未回應」，當時民動總幹事黎敬輝有嘗試在協調會議上交代取態，惟與會者似乎不太重視，之後趙家賢再向戴重申，阻止對方在其他會上如此說道，但「客觀效果會好多人以為民主動力會參加初選⋯⋯造成個認知『哦，民主動力會辦初選啦嘛』」。
趙續指「當時我要求戴耀廷要承諾整個初選運作民主動力要係可以全權處理同控制，而佢當時口輕輕答應冇問題，我哋當時因為信任佢而同意承辦初選」。趙家賢其後指「之後好多初選流程上嘅變異，我相信之後主控會再帶領我講出來」。李官問到趙家賢當時既非初選一部份，有何必要正式回應？趙家賢答民動自2002年成立本意就在作為民主派協調平台，「而呢個主要民主協調工作由創會召集人2014年交托畀我，我有個使命係繼續將個組織維持運作，有啲傳統民主政黨同支持者都希望民主動力繼續幫手，因而有個使命感」，「坦白講如果之後工作由戴耀廷做晒、獲得授權嘅話，民主動力壽終正寢，唔需要有任何工作」。法官陳仲衡問「你唔想民主動力企埋一邊？」趙家賢同意，李官再問「民動在此明顯缺席，你想看起來像初選其中一部份？」趙家賢同意指「喺個民主運動之中繼續參與」。
另外，趙家賢今早作供指，戴耀廷「喺2020年開頭呢⋯⋯係就住立會過半達致35+呢個民意，佢做咗好多文章同訪問推動佢嘅計畫」，其後戴首先聯絡九龍東人士希望「傾到大選官方選舉前協調以初選形式處理」，而民動直至5月初獲戴區邀請，才正式承辦初選。
趙家賢又提到3月到5月期間獲傳媒人蕭若元贊助，推廣選民登記。趙家賢解釋戴地區直選目標為「66443」共23席，加上部分民主派比較穩妥的功能組別議席包括法律界、教育界等，尚欠數席才能立會過半，故蕭若元提議在批發及零售界、飲食界及進出口界加強選民登記，希望可從建制派手中贏得議席，經與趙家賢商討後，蕭若元同意推廣選民登記於地區直選及功能組別兩者並行，增加選民，以提升香港民主。
圖片來源：星島日報
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論