【全城熱議】兒子慎挨跌5萬蚊公仔 爸爸稱睇片得知真相後「心都噏埋」 大律師 :10歲以下小朋友無法律責任
【全城熱議】兒子慎挨跌5萬蚊公仔 爸爸稱睇片得知真相後「心都噏埋」 大律師 :10歲以下小朋友無法律責任

一名小童不慎挨跌旺角朗豪坊玩具店一個逾5萬元的「天線得得B」Laa Laa模型公仔,家長賠償逾3萬元,引起全城熱議,網上瘋傳相關相片及影片。事件中小童的爸爸今日(24日)接受電台訪問時,憶述公仔破碎一刻。他指店員「冇屈我個仔踢跌公仔,但誤導咗我哋」,又指因為今次事件,仔仔今日向學校請假。


小童父親接受電台訪問時指仔仔今年5歲,事發是在星期日下午6時半,他當時在店外接聽工人姐姐電話,忽然聽到「呯嘭一聲」,他隨即回頭望,發現店內涉事的公仔已倒地。


他又指,仔仔當時「僵晒好驚」,只低頭看著公仔,而店員亦向太太表示仔仔已踢過公仔一腳,當刻誤以為「個衰仔第一腳踢唔冧再踢二腳」,因此決定賠償了事,盡快帶兒子離開。他續說,公仔標價5萬多元,但店員聯絡公司後,決定只收成本價了事。


小童父親又澄清,「店員冇屈我個仔踢跌公仔,佢只係誤導咗我老婆,話之前已見到你個仔踢佢一腳」。


小童的父親說,仔仔回家沿途在車上「呆晒, 一句嘢都冇講過」,後來仔仔問了他3次「點解個公仔咁恐怖」。他指,自己沒有因為公仔事件責罵兒子,直到晚上9時許看到事發影片,發現兒子當時為避開人潮才向後挨,發現公仔倒下時更轉身伸手想扶起公仔,形容「好唔小心、好無助,我個心開始噏。」


被問到責任問題,他直言家長有責任看管小朋友,但同時店方亦應採取保護措施。


涉事店舖「Kk plus」一度發聲明,指事件已即時處理,並在雙方同意下徹底解決,但今早已刪除有關聲明。惟「Kk plus」的母公司凱知樂國際,今日下午向傳媒表示,就近日發生的大型藝術玩具產品事件,公司首先向事主一家帶來的不便致萬二分的歉意,亦向關注事件之客人帶來不便致歉。公司高度重視每個客戶,並馬上作內部跟進以及和有關家庭聯絡,慰問家人及小朋友情況,並已全額退款。凱知樂又重申,公司十分重視及感謝各界近日對其提出的意見及建議,公司會即時作出改善及避免發生同類事件,並感謝各界體諒及支持。


大律師陸偉雄接受傳媒訪問表示,不同歲數人士有不同法律責任,若涉事小朋友年齡10歲以下,則毋須承擔刑事或民事責任,即展覽方不應向小朋友及其父母索償,他又建議家長可向展方要求退回部分賠償


他表示,今次意外展覽方亦須負上責任,因為展覽方明顯並無妥善安放展品,「佢一係搵圍欄圍住佢,加埋搵保安睇住佢,一係鎖死佢係地下,唔係就咁放佢地下,整個牌話請勿觸碰就算,小朋友都可能唔識啲字。」


原圖:網上圖片


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

20
好正
6
心心眼
7
好好笑
14
令人傷心
38
嬲爆

評論

  • +85298****49
    +85298****49
    1年前
    0 回應 檢舉
    Excellent

    沒有更多評論

    沒有更多評論