//既然朱凱廸咁鍾意坐監，仲話有家嘅感覺，咁不如坐耐啲啦！//

踎監都仲可以懶得戚show off自己嘅，相信朱凱廸認第一，都冇人敢認第二啦。因參與舊年泛民「35+初選」，涉違反《港區國安法》嘅前立法會議員朱凱廸，年初被捕後至今仍被還押候訊。近日佢回信俾所謂「送車師」就自爆自己有獨特嘅上庭技巧，話上庭嗰陣會「抖擻精神」，仲會要求上庭前剪頭髮，甚至專登著短袖T-shirt證明自己肥咗，珍惜短暫對公眾露面嘅機會喎。

之但係朱凱廸轉個頭，竟然又話上庭係「煎熬」喎，事關每次「行程」都係早出晚歸，法庭成個迷宮咁，要經過好多道閘先可以去到法庭犯人欄，搞到好攰，話咩咩咩囚友都係帶着「回家」心情上囚車，希望盡快返監獄吃飯，喺監倉內做鍾意做嘅嘢喎。

嘩嘩嘩，既然朱凱廸覺得監獄有「家」嘅感覺，不如主動要求加監，或者認罪，咁咪可以留喺監獄歎世界囉！

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk