//唔係「法庭變咗」係你哋班攬炒派變咗，變到講一套做一套、輸打贏要至真﹗//

咩叫輸打贏要，不如由民主黨單仲偕親身示範啦。話說佢同黎智英等10人，被控2019年10.1煽惑未經批准集結等罪，全部認罪，法庭判佢哋監禁14-18個月，單仲偕更獲判緩刑兩年添。唔知係咪認罪博減刑，結果不似預期，單仲偕就講呢啲。
單仲偕日前在判刑後，就對著傳媒講，「以前這些判案是判罰款或者社會服務令，這是一個創紀錄的刑期。香港已經變了，法庭亦都變了。」
罪係你哋自己認嘅，判刑唔滿意就發爛渣？唔該你哋唔好玩失憶啦，2019年國慶日，成個香港都被黑暴打爛晒，呢啲先叫創紀錄。法官判詞講得清清楚楚，判刑不能忽視案發當日發生嘅暴力事件，直斥被告想喺當時環境舉辦和平遊行，係幼稚和不現實！大大巴摑到應一應！
犯法要接受法律制裁，天經地義﹗你哋十個人，有議員有律師，應該好熟法律啦。口講法治，但講一套做一套囉﹗諗住以為輕判就去犯法？認罪只係為咗坐少啲唔係真心悔改？話咩「香港已經變咗」，其實係咪講緊你哋自己呢？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk