【笑聞一分鐘】李柱銘只准美國干預香港選舉,不讓中央關注?

早前民主黨創黨主席李柱銘同前政務司司長陳方安生「行孖咇」去美國告洋狀,聲稱要爭取外國支持香港民主,雖然受盡千夫所指,但佢日前接受電台訪問,仍然話人哋既攻擊愈係污穢,自己就愈啱喎!呢個邏輯好難明?未算,佢仲話呀,根據一國兩制,政改係香港「內政」,中央政府唔應該干預添。

聽到呢度,我仲以為自己唔夠瞓聽錯。「內政」?政改幾時係香港「內政」架?大家都認同,中央政府喺香港政改上面係有好重要角色架喎,《基本法》既附件亦寫到明,普選特首方案要全體立法會三分之二多數通過、特首同意,最後仲要得到全國人大常委會批准架!李大狀作為資深大律師,冇理由唔知架喎!

香港行「一國兩制、高度自治」,但亦係中國一部份,普選地方首長咁大件事,點可能唔關中央事呀?唔通你去選個美國人返嚟做特首,中央都唔可以過問喇喎?內政就係內政喇,不過係成個中國既內政,點解要去搵美國干預呢?咁樣偷換概念法,李大狀果然係「高手中既高手」。

李大狀邏輯混亂唔在講,更加就解釋唔到佢哋搵美國干預香港既理由!以為去搵美國就可以向中央施壓,但佢唔知咁做只會增加中央既疑慮,擔心外國乘虛而入,搞到要做更多防範,對落實普選完冇利,無他既,做國家領導人,永遠都要睇大局架啦。難怪已故民主黨元老司徒華都批評李柱銘:「我對佢好了解,佢唔係咁識政治」,明晒。

評論

  • +85293****26
    +85293****26
    1週前
    1 回應
    反對派中,除左司徒華能夠得到人尊重外,其它全部系一嚿屎,不值得一提

    沒有更多評論

    沒有更多評論