民主黨已窮途末路?
民主黨已窮途末路?

囍雨最近聽到唔少參加立法會選舉選委界別嘅候選人都話,就算係建制派中人,想拎到足夠提名都唔容易,要逐票敲門爭取返嚟。但係原來,候選人想尋求民主黨「支持」,難度就更加高,民主黨竟然要求佢哋答一份「精心設計」嘅問卷,再交比黨內中委會審視回答再決定。囍雨覺得,其實民主黨唔想支持人參選,照直講咪得,洗咩搞到咁複雜?派問卷本身無問題,但入面嘅題目真係擺明有意為難囉!


問卷題目或暗藏DQ陷阱


據報民主黨派出去嘅問卷,有九條開放式題目,部分敏感問題包括:候選人係咪認同立法會未經普選產生前,《基本法》第23條應否立法?係咪認為香港警權是否過大、警察是否受到適當監管?係咪會爭取爭取遊行集會毋須向警方申請?等問題。講真,民主黨本身想杯葛選舉,無派到人去參選,又點會咁順攤支持其他候選人去選?出份問卷明顯係等候選人自己知難而退,又或許當候選人答唔到佢哋心水答案,咪可以大條道理拒絕「支持」。


民主黨作為「反對派第一大黨」,到底係咩政治立場,大家都心照啦。睇返份問卷,就好似問及23條立法嗰題咁,如果候選人回答「應該立法」,民主黨肯定唔會收貨;但如果係答「唔應該立法」,之前政務司司長李家超接受傳媒訪問,講明之前有議員要求政府保證任內不就23條立法,有關言論係明顯違反《基本法》,到時候選人有可能被視為不符擁護《基本法》及效忠特區,自招被DQ嘅風險。民主黨咁做,簡直係「公係我勝,字係你輸」,由頭到尾都係佢自己玩晒。


擬縮「安家費」 已山窮水盡?


今次最搞笑嘅係,連民主黨副主席梁翊婷都反對用問卷要求候選人回答。自己人都反對嘅情況下,仍然要繼續做?民主黨到底知唔知自己做緊啲咩?囍雨想講,民主黨可以堅持反政府「舊路線」,但繼續搞落去,真係要有滅黨嘅心理準備。最近已經有報道話,民主黨面臨財困,計劃減每個月支出達六位數嘅「黨內在囚人士支援」,遲吓在囚嘅黨員胡志偉、尹兆堅、林卓廷、趙家賢,隨時連「安家費」都拎唔足。如果民主黨日後仲要杯葛選舉,唔派人參選邊到拎到資源?唔通要支持者一直課金支持?長貧難顧,民主黨早日不如摺左佢吧啦!


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

12
好正
3
心心眼
13
好好笑
4
令人傷心
4
嬲爆

評論

  • 龍的傳人
    龍的傳人
    2月前
    1 回應
    抆屎派飛鴿黨講真還有幾多人信你……nothing
    • Happy21
      Happy21
      2月前
      1 回應
      :blush:
      • Happy21
        Happy21
        2月前
        1 回應
        :+1:

        沒有更多評論

        沒有更多評論