「犯聚」無錯 執法有錯?
「犯聚」無錯 執法有錯?

反對派有一個「特點」,就係死唔認錯!每次有「同路人」做衰嘢畀人「斷正」,都會諗千千萬萬種歪理去卸責,仲講到自己好似「受害者」咁。油尖旺區反對派議員朱江瑋,日前喺議辦搞電影《幻愛》嘅放映會,最終因為涉違限聚令,在場47人全部被票控。區議員疑似帶頭犯法,本身已經好有問題,但離奇嘅係,有份被票控嘅《幻愛》導演周冠威,竟然仲狡辯,質疑食環署派人「放蛇」做法「荒謬」,認為唔排除「有可能」係針對朱議員、佢自己或者電影而執法,仲講明會向法院抗辯。囍雨只想講,點解依家有人涉嫌違法,反而講到執法一方有錯咁?呢樣先係最荒謬喎!


並不私人的「私人場所」


囍雨覺得,周冠威咪都要講吓道理呢?按佢嘅講法,放映會係以「私人性質」進行,當時議辦已經過咗辦公時間、係「私人場所」,而且受邀請人士先可以入場。咁點解,食環署嘅「臥底」又可以入到場?佢哋應該無受到邀請嫁喎!如果連「街外人」都可以隨便入到去,咁樣仲點算係私人地方?喺公眾地方搞電影會,咁當然會受限聚令規管理啦!仲有喎,議辦存在嘅目的,係提供為市民服務嘅平台,如果按佢哋嘅講法,啫係有議員疑似「公器私用」,拎議辦嚟搞所謂「私人放映會」,單係呢一點都已經有錯啦!


至於質疑食環署執法方面,囍雨想講,署方「放蛇」嘅做法根本無問題。食環署本身有權力、有義務去執法,而且睇返案件性質,確實有必要咁做。既然主辦方話係「私人聚會」,如果臥底成功入場,佢哋嘅講法就係不攻自破,當然可以「拉人封艇」。大家諗吓,如果執法人員穿上全套制服,大鑼大鼓去巡查,到時主辦方堅稱係「私人聚會」,咪只有「口同鼻拗」,依家嘅做法係直截了當、最有效嘅。


自編自導的「被打壓」陰謀論?


據囍雨所知,《幻愛》係愛情電影,理論上內容應該無政治敏感嘅地方;加上,如果周冠威只係普通電影導演,點解食環署同警方要專登「針對」佢先?根本都講唔通!更重要嘅係,今次單案有好重嘅違法嫌疑,而且證據擺在眼前,周冠威係咪想執法部門「當睇唔到」?對唔住,咁樣係絕對無可能嘅!


其實周冠威對票控有不滿,當然有權向法庭抗辯,呢個係佢個人嘅法律權利,但係都要以事論事。依家佢嘅講法,係將個責任推晒比食環署,講到好似唔係對方「放蛇」就咩事都無咁。問題在於,如果個活動本身係有問題,就算有無食環署執法都好,都唔會改變到呢個事實。周冠威或者活動主辦方,點解唔去反省下自己做錯咗啲咩?反而立即將件事政治化、陰謀論化,形容到好似比人「針對」同「打壓」緊咁。呢啲轉移視線嘅老把戲,市民一早睇到厭、聽到膩,算吧啦!


原圖:星島日報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

23
好正
6
心心眼
10
好好笑
2
令人傷心
7
嬲爆

評論

  • acp4711@yahoo.com.hk
    acp4711@yahoo.com.hk
    2年前
    0 回應 檢舉
    good
    • 你的光榮,我的榮耀
      你的光榮,我的榮耀
      2年前
      2 回應 檢舉
      壞腦🪳:hankey:十腦殘:woman_zombie::imp:
      • +85298****49
        +85298****49
        2年前
        0 回應 檢舉
        Excellent

        沒有更多評論

        沒有更多評論

        你可能感興趣