廉署檢控戴耀廷:公義不會缺席!
廉署檢控戴耀廷:公義不會缺席!

廉政公署今日公布落案起訴因「攬炒35+案」而仍遭拘押嘅前法律學者戴耀廷,指佢同另外兩人涉嫌喺2016年立法會換屆選舉中,佢哋並非候選人或選舉開支代理人,但先後喺兩份報章後刊登6個廣告,招致選舉開支逾25萬3千元,涉違《選舉(舞弊及非法行為)條例》第23(1)條。戴耀廷等人當年所刊登嘅廣告,內容係宣傳所謂嘅「雷動計劃」有關;簡單嚟講,那項計劃就係教人「配票」!先收集「選民意願」,再叫選民策略性投票,將穩勝或者無勝算嘅票,轉為平均咁分比反對派陣營「邊緣候選人」,等反對派可以得到更多議席。廉署相隔5年終於出手,再次證明公義喺香港係唔會缺席!


選舉有界限 越界有後果


戴耀廷嘅「雷動計劃」,核心行動就係要配票,鼓勵選民投票比某啲人、唔好投畀另一啲人,落廣告就係宣傳手法之一。有關計劃,當年亦有唔少人批評過,直指「配票」有違法之嫌。可能有人始終唔明,點解「配票」係違法,其實好簡單,你運用資源去宣傳、呼籲投票畀某啲人,獲得你配票嘅人好自然會著數咗,對冇得到你「寵幸」嘅候選人肯定係唔公平,呢個正正係核心問題。


三個重要的提醒


當然,戴耀廷等人係咪有罪,法庭會最終會有裁決,今次事件其實帶出更重要信息,就係廉署好有決心去維護公平選舉,同時亦提醒大家選舉嘅規限所在。首先,反對派唔好再諗住搞所謂「全港性公開初選」,初選嘅本質就係想篩走部分候選人,如果有人要求參與者輸咗初選就唔可以再去選,甚至公開宣傳某某人參選未獲初選「認可」,咁樣就可能涉及損害他人參選權,違法嫌疑非常大。


其次,之前有人喺網上鼓吹,喺嚟緊嘅選舉投白票表態。囍雨提醒一句,投白票係個人選擇,但根據最新法例,任何人喺選舉期間煽惑他人唔投票、投白票或者廢票即屬犯法,大家切萬以身試法。最後,廉署決定就「雷動計劃」提告,代表任何人都唔好再諗住搞全港性「配票」,堅持要搞,就要有被檢控嘅準備!


廉署選擇今日就「雷動計劃」檢控戴耀廷,時間絕對恰到好處。今年9月、12月及明年3月,分別會舉行選委會、立法會同特首選舉,三項選舉對香港都好重要,由於涉及好多新安排,香港市民都未必知道當中有咩新規定。今次廉署提出檢控,正好可以話畀香港人知,任何嘗試喺制度內「鑽空子」、走精面去增加議席嘅方法都唔會行得通,與其搞埋晒啲古古惑惑嘅事去操控選舉結果,倒不如正正經經行返條正路,切切實實諗諗點樣去做好民生工作仲好啦。


原圖:文匯報資料圖


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

24
好正
8
心心眼
6
好好笑
3
令人傷心
4
嬲爆

評論

  • shuyicai58@gmail.com
    shuyicai58@gmail.com
    1月前
    0 回應
    纠正‘李丽珍’
    • shuyicai58@gmail.com
      shuyicai58@gmail.com
      1月前
      0 回應
      ┭ 性史调查科揭露李丽丽瞒着她男友和其他异性又是调情又是和其他共完的十六个男青年发生不应有的性关系以改恋情非以往单纯
      • +85298****49
        +85298****49
        1月前
        0 回應
        Excellent

        沒有更多評論

        沒有更多評論