為民服務是進步
為民服務是進步

立法會三讀通過關於「完善香港選舉制度」嘅法案,從大眾利益角度去講,一個少咗政客衝擊、拉布同謾罵嘅立法會,絕對能夠為市民做更多實事;只不過,就算係再好嘅制度,一樣會引嚟批評或質疑,例如民主黨主席羅健熙,就質疑「完善選舉制度」係「倒退」,又稱唔少「民主派」支持者感「失望」,對此有「事不關己」嘅感覺。講「倒退」,立法會有倒退過?當然有,反對派議員喺立法會不斷滋事果段時間,立法會咪倒退囉!所以依家,係中央以至港府撥亂反正先啱!

 

老實講,囍雨覺得羅健熙嘅講法,道理上站唔住陣腳。首先,立法會少咗政客拉布、衝擊嘅情況,即係議會運作更為順暢,審議法案、預算案等能夠更有效率,喺議會審議效率上,已經係之前嘅立法會不能相比。第二,就係立法會改組,加入咗40個選委會選出嘅席位,囍雨請大家留意,屆時選出嘅代表,理應係來自社會各界嘅代表,即係話立法會將有更多來自唔同界別嘅聲音,議事時能帶出唔同嘅觀點同意見。

 

未來選舉 你選不選?

 

值得留意嘅係,雖然直選議席由過往嘅35席減少到20席,其實選區亦由五大區改為十個區。五個區變十個區,對服務市民有咩好處?過往,我哋有時會聽到一啲聲音,就係地區直選議員要服務嘅範圍太大,變咗人手以至資源都分散咗,依家變成十個區,即係話將來嘅直選議員,可以集中精力去服務範圍更合適嘅區域。而20席地區直選議席以至功能組別等,反對派亦有權參與,佢哋自己選唔選,就要睇下佢哋可唔可以放低「心魔」。

 

囍雨明白,對於反對派而言,入唔入到閘,可能仲要視乎攞唔攞到選委提名,以至係過唔過到資格審格。對於第一個問題,囍雨覺得如果有反對派人士被認為係愛國者、無攬炒歷史,相信會有理性嘅選委願意提名;至於資格審查嘅問題,當然亦要睇下候選人嘅紀錄啦,如果無「攬炒」香港嘅不良紀錄,無勾結過外國勢力等,理應唔會受資格審查所影響。

 

近幾個月,每當講到反對派參選立法會嘅問題,羅健熙儼如反對派發言人咁,有理無理,批評咗先算;囍雨想溫馨提示下羅健熙,說話有時唔好「講得太盡」,萬一幾個月後民主黨決定參選立法會,唔通羅健熙又「吞返」佢之前講嘅嘢咩? 

 

圖片來源:文匯報


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

22
好正
7
心心眼
2
好好笑
2
令人傷心
3
嬲爆

評論

  • Happy21
    Happy21
    2年前
    0 回應 檢舉
    :blush:
    • Happy21
      Happy21
      2年前
      0 回應 檢舉
      :+1:
      • Happy21
        Happy21
        2年前
        0 回應 檢舉

        沒有更多評論

        沒有更多評論