出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
許智峯欲哭無淚?回來吧!
許智峯欲哭無淚?回來吧!

「虛情假意」、「假惺惺」、「假仁假義」呢啲詞語,都係用嚟形容一啲虛偽或者扮嘢嘅人,呢啲詞語能唔能夠套用喺近日經常抽政治水、但又唔肯返香港接受審訊嘅前立法會議員許智峯呢?說話近日,佢又喺社交平台Facebook評論47個反對派被檢控一事,仲稱「面對47人的幾天審訊,欲哭無淚。從政以來,重沒試過如此的沉重及壓抑。腦海裡零零散散不斷想起與他們一起奮鬥的點滴 …」,既然心情咁沉重,點解唔返嚟香港面對問題、陪伴手足呢?

 

如此多「點滴」 為何要走?

 

今次許智峯發表嘅「感言」,對反對派支持者而言可能幾「催淚」,當中有提及佢探戴耀廷監,同區諾軒「預演佔中」,同趙家賢「吃早餐」,同陳志全「傾抗爭」,同李予信「傾訴一晚」,同譚凱邦喺反修例時「互通消息」,鄺俊宇同楊雪盈去醫院「探望佢」,胡志偉同佢講嘅「一段話」,對郭家麒嘅「好印象」,徐子見對佢嘅「打氣」,同柯耀林嘅「佔中往事」。真係聽到人好「滾動」,點解「滾」?講到情深款款咁,咁點解許智峯又要離戰友而去呢?真係聽到人「火滾」!

 

許智峯呢啲說話,講真,好兀突,例如佢講起戴耀廷,就話戴「滿腔熱情與我討論社會運動、出獄後將做的法治研究等,那時氣氛彷彿就像身處他港大的教授辦公室內一樣,牢獄鎖不住他高尚的情操」,如果戴耀廷坐監有「高尚情操」,咁許智峯走佬,係咩情操?其實許智峯講咁多嘢嘅潛台詞,就係「同路人入獄,我風流快活」,如果真係齊上齊落,許智峯根本就唔會走!

 

當初英勇 如今求財?

 

當初喺反修例運動期間異常「英勇」嘅許智峯,相信好多人都估唔到佢會「走佬」,囍雨就喺度諗,許智峯唔係「笨蛋」,佢應該知道自己走咗佬仲喺度「抽水」可能會適得其反,但佢都執意「一而再」地講,係咪因為佢喺英國生活,都要香港手足「課金」支持佢,等佢可以繼續打已經名存實亡嘅國際戰線呢?

 

囍雨份人好實際,喺香港嘅反對派,一面臨審訊就好似好想縮咁,走咗去外國嘅走佬政客,就擺出一副為咗「XX香港」要打好國際戰線嘅姿態,其實佢哋所做嘅,都係用「口水」去搞革命,最終結果只有一個,就係革命失敗,但攬炒咗自己。喺呢度,囍雨要重申一次,革命唔係「請客食飯」,明知失敗都要做,就請預備要「找數」!


圖片來源:RTHK


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

63
好正
7
心心眼
36
好好笑
18
令人傷心
41
嬲爆

評論

  • 龙一吟
    龙一吟
    1月前
    0 回應
    回港?飲紅酒,嘆牛扒好過!佢只會食花生,間中吹兩句與你地同在!頂住呀!支持你!不要怕!同佢攬炒!吹完落 Down town shopping, 逛下紅燈區了解一下,之後揾 AV何匯報同進修一下,生活費不愁,擺街又得 … 都得。
    • Happy21
      Happy21
      1月前
      1 回應
      • 龙的傳人
        龙的傳人
        1月前
        0 回應
        汉奸峯回來坐監~你留低手足去做英美狗

        沒有更多評論

        沒有更多評論