面對年輕人因為參與黑暴運動而被判刑，一般人可能有兩個反應，第一就係犯罪就要承擔罪責，第二就係為此感到唏噓，噚日東區裁判法院審理一宗關於前年6月9日有多人參與衝擊立法會的案件，其中三人在開審前認罪，獲法庭減刑，被判監16星期至20星期。喺呢度，廣男想請大家先睇睇由媒體節錄嘅求情內容：

戴安被告代表律師求情透露他獨自生活，其父已離世，生前為消防員，母親因工作而不在港。戴以一級榮譽在中大哲學系畢業，現為哲學系碩士生及助教。辯方引述由家人、教授、同學撰寫的求情信，指他品學兼優、熱心助人，更曾在3年內獲得18項獎學金。

陳均年被告亦修讀中大哲學系。大狀透露他父母離異，其公開試成績不理想，但未有放棄，循副學士課程升讀中大，去年本科畢業，現職議員助理。教授、鄰舍等在求請信讚許他勤奮好學、熱心服務社會。

卓嘉豪被告的大狀就求情道，被告自小父母離異，由母親獨力養育成人。被告因家境不好，發奮圖強，先修讀毅進及高級文憑課程，及後獲教育大學取錄，現就讀最後一年課程。被告曾代表觀塘區出席全港運動會，他兼職當教練，並非只為賺錢，而是懷著生命影響生命的抱負，希望可感染學生積極做人。

據報，戴安嘅教授喺求情信讚賞戴在眾多學生領袖中表現非常優秀，曾往耶魯大學作交換生，且有資格在耶魯攻讀博士，法庭認為留下案底已令佢額外失去好多機會，再酌情減刑，判處16星期監禁。廣男喺度諗，如果佢哋無參與抗爭，依家係咪已經喺唔同崗位服務緊社會？或者已經去咗外國嘅知名學府繼續學業？

年輕人斷送前途 政客乃最大元兇

可惜，命運沒有如果，佢哋參與抗爭而被捕、被檢控，注定咗佢哋以後要走唔同嘅人生路，所以廣男在文章開初就講，對於年輕人違法被捕，外界除咗認為要承擔罪責外，就係覺得可惜。

與其怪責年輕人，廣男覺得最可恨嘅，就係一班不斷煽動抗爭嘅政客，如果無違法達義，無黑暴運動，無政客推波助瀾，就唔會有幾千個年輕人因為參與黑暴運動被捕，說到底，一切又係違法達義嘅後遺症。近日，幾十名攬炒派政客因為涉嫌違反《港區國安法》被捕，近月又陸續有政客因為涉及不同罪行而被捕甚至被檢控，廣男只想講一句，如果法庭裁定佢哋有犯罪，一定要將佢哋嚴懲，因為佢哋係「萬惡根源」！無佢哋嘅煽動、唆擺，我哋嘅年輕人、下一代，根本就唔會送頭！ 

圖片來源：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk