葉建源「一馬當先」延任了
葉建源「一馬當先」延任了

今日,全世界都講緊「民意叫你走,你就偏偏留」嘅攬炒派「厚顏留任事件薄」,今朝廣男睇新聞果時,見到一條非常吸睛嘅標題,就係《陳志全朱凱廸函立會不續任 去留民調今揭盅 葉建源表明留任》,一睇之下,原來已經收集咗教協會員意見嘅葉建源,已經「決定留任」。睇到呢到,廣男首先有個問題,教協號稱有十萬會員(或接近十萬),佢哋到底問咗幾多個會員意見呢?


3%會員的回覆?


素有求真精神嘅廣男,特意上網睇下教協嘅新聞稿,睇下佢點收集會員意見法啦,佢嘅新聞稿,廣男節錄部分俾大家睇:


由於社會及教育界對議員應否接受續任安排有不同意見,因此教協於9月14至20日進行為期7天的全體會員電話語音抽樣調查,對象是提供固網電話或流動電話的會員,以了解教育界對續任安排的看法。調查以隨機抽樣的方式進行,共收回3422位教協會員回覆。當中問及是否支持教協的立法會議員葉建源留任一年,共有2053位會員表示「支持」,佔回覆總數達60%;表示「不支持」的會員共1082位,佔回覆總數31.6%;其餘287位會員表示「無意見」。


驟眼睇,大家可能覺得「無乜問題」,不如等對數字較為「敏感」嘅廣男同大家剖析下啦,呢段新聞稿有幾個問題值得商榷。第一,教協所謂「全體會員電話語音抽樣訪問」,到底佢嘅係點抽樣,可唔可以清楚交代下呢?第二,回覆數字佢哋講咗,但到底佢哋向幾多人作出調查,好似唔見有交代?須知道,「問咗幾多人」要公布,應該係民意調查嘅「常識」吧!第三,就係以上問題都未清楚,大家只知道3,422教協會員回覆咗,約2,000人支持留任,咁二千人對比起號稱十萬會員,2%會員嘅意見,又算唔算得上係「會員的意向清晰」呢?


守住議員薪津


廣男唔係話教協嘅民調一定「有古怪」,但既然向公眾交代得調查,廣男覺得絕對可以再講得仔細啲。廣男更想講嘅係,教協以至葉建源強調要「守喺」議會,廣男真心唔明白,葉建源可以喺立法會守住啲乜呢?講議員人數,攬炒派其實阻唔到議案通過;講抗爭,廣男又未見過葉建源抗爭。葉建源可能守到嘅,就只係繼續用「議員身份」包庇失德教師,同埋自己份薪津,講到大義凜然咁,真係「辛苦晒」!


教育界嘅歪風,葉建源以至教協無去遏止;就算用攬炒派支持者嘅「角度」去諗,教協、葉建源一樣無咩可以作為。喺呢個情況底下,葉建源同要「永續」議席嘅其他攬炒派議員,其實無咩分別。喺未來一年時間,廣男會睇下葉建源點樣喺議會「佛系抗爭」,一邊打咀炮「聲援」失德教師。 


圖片來源:RTHK、政府網頁


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

 

瀏覽我們的IG:https://www.instagram.com/speakout_hk/?hl=zh-hk

7
好正
3
心心眼
15
好好笑
3
令人傷心
17
嬲爆

評論