聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
叫破喉嚨都無用,攬炒派不會入耳
叫破喉嚨都無用,攬炒派不會入耳

主流攬炒派議員想留任,抗爭派想佢哋離任,幾乎係「人所共知」嘅事,近日,有傳媒報道原來有近80名區議員,之前草擬咗一封聯署信俾「全體民主派立法會議員」,要求杯葛「違憲議會」、拒絕「委任」,當中理由包括延任議會「違憲」、未獲人民授權等等;據報有關信件未公開發表過,而後來主流攬炒派議員亦決定以民調方式決定去留。老實講,主流攬炒派議員想留任,意志「好堅定」,除非將完成嘅民調出現「驚人結果」,否則其他攬炒派嘅區議員,包括抗爭派議員在內,絕對係「叫破喉嚨都無用」!

 

攬炒派在議會內「無作為」?

 

關於聯署區議員嘅論述,廣男就唔多重複啦,不過有一點值得注意嘅,就係一班攬炒派區議員,認為議會喺建制派佔多數下,「民主派」根本無法作為,認為少數「民主派」議員留任嘅作為空間十分有限。簡單嚟講,就係就算唔講「委任」嘅問題本身,唔少攬炒派「同路人」覺得啲立法會議員「留任」都無用!

 

一班區議員嘅表態,對主流攬炒派議員嚟講當然有「參考」價值,但廣男坦白啲講,呢班區議員根本就係「晒口水」,可以話講咩都無用。主流嘅攬炒派立法會議員想留任,可以分為兩大理由,第一就係留任即係「有錢」,可以繼續養住自己同一班議員助理;第二,攬炒派今日之所以依然由主流或傳統攬炒派把持住,係因為一班主流派多數以「立法會議員」身份行事,如果選擇離任,佢哋對比起其他攬炒派政客嘅「優勢」會即刻消失,變相削弱自己喺陣營內嘅影響力,試問一班攞住「錢同權」嘅政客,點會輕易放手?

 

會否計錯數?

 

廣男執筆之時,應該就係攬炒派議員委托民意研究所就延任問題展開調查嘅日子,計正嚟講,一班主流攬炒派議員已經將個「門檻」設定到自己「勝算」非常之高,但呢個世界,好多時都係政客「計錯數」,繼而付出沉重代價;尤其當反對攬炒派議員「延任」嘅聲音已經成為「主流」,民主黨、公民黨等攬炒派議員仲點可以確保到民調結果「支持延任」或「反對者未過半」?廣男實在十分期待民調結果,除咗想知佢哋係咪「無得留低」之外,更想睇下,佢哋「夾計」做嘅民調,到底實際內容係點。 

 

圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

12
好正
2
心心眼
10
好好笑
2
令人傷心
7
嬲爆

評論