出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
搞抹黑、玩誤導 對抗疫有何益?
搞抹黑、玩誤導 對抗疫有何益?

社區普檢計劃展開第一日,囍雨按預約時間前往做檢測。甫入場館門口,就先測體溫、再以酒精液搓手;隨後核對身份、按指示等候、坐低取樣…其實好多細微之處,已見成個流程安排相當重視避免交叉感染。囍雨細心計過,整個過程唔使10分鐘就完成,而且的確冇乜不適感。短短幾分鐘,就已經可以為人為己為社會負起一個責任,其實只要有心,人人都可以做得到,何樂而不為?執筆之時消息傳來,喺目前已經完成檢測嘅超過12萬個樣本之中,已經檢出6個樣本確認對新型冠狀病毒呈陽性,而其中2宗更屬於新個案,可見檢測計劃確實有用、有效。


已經檢出6宗陽性個案


囍雨留意到,唔少社會人士喺檢測之後,都以親身感受鼓勵大家積極參與檢測,為盡早斬斷病毒傳播鏈出一分力。但明明一番好意,明明一項對防疫有幫助嘅工作,就招來攬炒派政客嘅無理攻擊,囍雨見到早前喺泛民初選中勝出嘅抗爭派鄒家成,日前又喺社交媒體發表歪論,意圖誤導市民、抹黑檢測工作。講真,囍雨又好有興趣同鄒家成商榷一下。


例如鄒家成話,「做完檢測,下一秒都冇人可以話自己唔係帶菌者」。冇錯啊,所以依家就係要呼籲同埋鼓勵越多人做檢測越好囉!正正因為病毒防不勝防,所以更加唔可以好似某啲醫生、專家咁,一句「唔清楚安排」或者「不懷疑自己係感染者」,就唔去檢測。你唔檢,連自己係咪隱形患者都唔知,咁病毒傳播嘅風險係咪仲高?今日最新檢出嘅陽性個案,就係最好嘅例證,囍雨喺度諗,如果唔係有檢測計劃,呢啲隱形患者可能依家仲遊走於社區,分分鐘又造成幾何級數嘅傳播效應。


之前日日過百宗確診 鄒家成又不講?!


鄒家成又話,香港之前兩波疫情之後,就算冇全民檢測「都可以連續十日冇本土感染個案」。又啱,所以當時亦都冇咁大迫切性去推行普檢;但問題係,第三波疫情連續十幾日單日確診過百宗,鄒家成又唔講?!仲要抹黑內地檢測機構,稱「瑞典政府發現測試劑出現超過3,700宗假確診個案」,囍雨想講,唔該鄒家成update下自己啲資訊喇,瑞典國家疫情中心嘅負責人已經澄清,內地試劑根本冇問題,而且係因為檢測精凖度高,先至追蹤到當地好多「症狀輕微或無症狀」者。


本末倒置、為反而反 誰將市民蒙在鼓裏?


再講落去,其實囍雨最大嘅感受,係啲攬炒派政客真係本末倒置、為反而反,乜都可以攞嚟政治化;尤其鄒家成仲要講到「點解會覺得冇啦啦俾人撩完個鼻就好似開咗無敵咁,百毒不侵?」、「有太多市民被港府蒙在鼓裏…」云云。請搞清楚,從來冇人講過做完檢測就「天下無敵、百毒不侵」,正正因為咁,所以先至需要全社會放下政見、一齊打抗疫持久戰,而唔係好似鄒家成咁,為政治,搞抹黑、搞污名化,罔顧市民公共衛生安全!如果真係有太多市民「蒙在鼓裏」,咪就係因為有好似鄒家成咁埋沒良知嘅政客囉!


請Follow我們的YouTube頻道:https://bit.ly/2kgU8qg


下載我們的手機應用程式,收看第一手精彩內容:https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk



6
嬲爆
2
超無奈
1
無意見

評論