聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
為何攬炒派今次不搞「公投」?
為何攬炒派今次不搞「公投」?

關於攬炒派議員係咪離任、係咪總辭,定係選擇留任嘅問題,攬炒派陣營傾咗一段時間,都「傾唔出結果」,廣男睇網上言論,見到有一個建議,其實睇落相當唔錯,之前攬炒派搞「初選」,將誰人參選嘅問題交由支持者決定,今次佢哋係咪「唔撈」、總辭,點解唔搞返個公投,等支持者決定佢哋去留?定係,佢哋根本一早已經決定「留下來」,依家搞咁多嘢,只係整色整水呢?

 

政客們口風「又鬆了」

 

話說民主黨開會傾完一輪,但都係「無結果」,涂謹申接受訪問時,就稱之前講過支持「民主派留任嘅聲多少少」後,其身邊支持民主派留任嘅聲音「再多咗少少」;議會陣線毛孟靜就講完一輪嘢之後,反問係咪要「放棄一個戰場」,坦言「至今仍覺得立會是一個戰場,認為民主派若留在議會,起碼仲有一把反對聲音」,所以認為唔係時候放棄議會戰線。攬炒派咁無「骨氣」,難怪全國人大常委譚耀宗都話攬炒派應會接受延任。

 

攬炒派政客咁樣度嚟度去,其實都係想搵個藉口「華麗轉身」啫,不如等廣男比個建議佢哋啦,佢哋經常聲稱自己係「民主派」,之前為咗揀人「入閘」選立法會又搞「初選」,佢哋今次可以搞返個「公投」,等支持者決定佢哋去留喎!如果支持者支持佢哋繼續做,咪「做多年」囉!如果支持者唔支持,佢哋總辭又可以攞道德光環,幾好!

 

區議員也可以總辭

 

講開總辭,其實唔止攬炒派立法會議員可以總辭,攬炒派嘅區議員,一樣可以總辭,如果得20多個攬炒派立法會議員總辭,恐怕「震撼力」唔夠大,但如果連同300幾個攬炒派區議員都總辭,呢個就可能真係「核彈」喇!

 

攬炒派成日話議會嘅抗爭路線「已死」或者「已絕」,但不論係攬炒派嘅立法會議員定係區議員,都咁「愛惜」佢哋嘅議席;想佢哋放棄議席同薪津?好難喇!可能叫佢哋放棄「手足」仲容易得多。

  

圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk


27
嬲爆
6
超無奈
7
無意見

評論

  • 馬榮華
    馬榮華
    1月前
    0 回應
    支持警察嚴正執法!

    沒有更多評論

    沒有更多評論