出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
選舉重要 還是性命重要?
選舉重要 還是性命重要?

仲有唔夠兩個月就係立法會選舉投票日,因為新冠肺炎爆發,所以出現咗個一個問題,由七月初到依家,本地感染個案已經超過800宗,如果情況持續,選舉需唔需要延期呢?對於呢個問題,公民黨主席梁家傑就稱新加坡疫情比香港嚴重,但最近都順利完成大選,認為建制派以疫情為由係「虛弱的藉口」,囍雨實在質疑,依家到底係人命重要,定係選舉重要呢?如果有人因為選舉活動、投票而染疫,邊個負責?

 

看清疫情 作好打算

 

囍雨想講,今次新冠肺炎爆發,唔單止係感染個案多,更不斷創新高,例如今日7月23日,就有118宗確診個案、111宗屬本地感染個案,而源頭未明嘅個案就有50多宗,患者包括私家醫院護士、安老院職院以至幼稚園教師等等;由此推論,社區依家肯定有隱藏播毒者,大家不如問下梁家傑,如果有人因為選舉、投票而染疫,係咪攬炒派負責?

 

點解梁家傑以至其他攬炒派會喺疫情、選舉問題追住政府以至建制嚟攻訐?當中原因顯而易見,佢哋擺明就係政治先行,選舉、攞議席先於一切,所以為咗可以「如期選舉」,就用盡一切藉口嚟支持自己;以梁家傑講嘅新加坡為例子,其實囍雨又想問下梁家傑,新加坡咁做,係咪等於香港一定要咁做呢?隨舉一例,新加坡有國安相關嘅法例,又有打擊假新聞嘅法例,照理係咪香港都應該跟隨?外國點樣做,有道理、啱嘅香港可以參考,但面對疫情,囍雨嘅建議就係,越小心、越謹慎越好!

 

市民健康最重要

 

立法會換屆選舉作為四年一度嘅特區大事,囍雨本人亦相當重視,但係社會大眾包括攬炒派都要知道,社會最重要嘅,係人命,係市民嘅生命安危;選舉如期舉行,當然可以,但投票活動,每個票站有數以千計甚至近萬人參與,一兩個人散播病毒,足以令成千上萬嘅市民受影響。呢個責任,梁家傑承擔得起?攬炒派又係咪承擔得起?如果話建制派嘅係「虛弱的藉口」,囍雨會認為,話其他地方都「照選舉」,先至係真正虛弱的藉口!


原圖:rthk


請Follow我們的YouTube頻道:

https://bit.ly/2kgU8qg

 

下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk

7
嬲爆
4
唔係呀哇
2
驚訝

評論