出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
黨同伐異民主黨 學人講言論自由?
黨同伐異民主黨 學人講言論自由?

公務員本身就要效忠特區、擁護《基本法》,政府依家要公務員宣誓,到底有咩問題呢?囍雨實在諗唔明攬炒派到底要「反」乜噚日囍雨睇新聞,見到民主黨立法會議員胡志偉評論公務員要宣誓時,聲稱「對特區政府政策如果看到問題,公務員似乎沒有權利去表達不同意見,甚至過往可能用個人身份表達意見,因為作出宣誓聲明,被剝奪個人意見的自由」,囍雨想問下胡志偉,民主黨經常逼害政見唔同嘅黨友,依家講言論自由,笑話嚟㗎?

 

公務員一向要效忠特區

 

講起公務員要宣誓嘅問題,囍雨必先要點出一個事實,就係公務員一向都要效忠特區、擁護《基本法》,就算係依家極度反政府嘅前公務員事務局局長王永平,在任時都講過公務員政治中立「建基於效忠政府的責任」、「所有公務員應對在任的行政長官和主要官員盡忠」,而且喺政府作出決定後,不論立場如何,公務員都應該「全力支持,把決定付諸實行,並且不應公開發表個人意見」,喺呢個情況下,公務員嘅位置注定喺政府政策嘅層面上,係要支持政府,而唔係喺政府有決定後「發表意見」。

 

民主黨專打壓黨友言論自由

 

至於民主黨講到言論自由,囍雨請大家先睇下民主黨點對待持有唔同意見嘅黨友或者前黨友,民主黨創黨成員陳莊勤,據報就係因為就去年7.1衝擊、佔領立法會一事發文,批評民主派政黨包庇暴力,民主黨竟然就事件召開紀律委員會,最後革除咗陳莊勤黨籍。講遠少少,前民主黨嘅前立法會議員黃成智,喺2015年就因為支持政改方案「袋住先」,而被逼辭去民主黨中委職務,其後更被革除黨籍。囍雨想問下胡志偉,喺民主黨嘅成員係咪無言論自由?連人哋發表唔同意見都唔得,好心你哋唔好叫民主黨,叫獨裁黨啦!

 

老實講,公務員要效忠特區、擁護《基本法》,唔係咩新鮮事,依家要公務員宣誓,只係將要做嘅嘢實體化或者形式化,如果係想反政府嘅,最好嘅方法唔係入政府又反政府,而係堅決唔好為咗「高薪厚祿」去投考公務員。當「民主」如民主黨都用自身經驗告訴大家某啲組織係無言論自由嘅,作為國家或者特區嘅公務員,應該支持政府政策、施政,唔合理咩?不如大家問下王永平,佢當年回應公務員政治中立嘅問題時,有冇諗過政治中立係包括批評政府、支持抗爭啦!

 

圖片來源:文匯報


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


瀏覽我們的IG:https://www.instagram.com/speakout_hk/?hl=zh-hk


6
嬲爆
1
超無奈
0
無意見

評論