港台一副「吹我唔漲」樣子
港台一副「吹我唔漲」樣子

自從港台《頭條新聞》有內容以無事實基礎嘅評論抹黑警方後,社會各界人士(有溫柔嘅、有嚴厲嘅)都有向港台反映過《頭條新聞》嘅問題,不過港台就擺出一副「奈我唔何」嘅樣子,不斷重覆節目「嬉笑怒罵」、「有遵守港台《約章》」。最近,又有團體見廣播處長梁家榮反映港台問題,梁家榮亦只係重述相關論調,廣男又係果句,係唔係「嬉笑怒罵」,就可以失實內容指控他人甚至誹謗呢?


港台一向「講晒」


老實講,廣男覺得港台呢套「自我保護」機制相當「屈機」,節目明明叫《頭條新聞》、港台工會又話要尊重編輯自主,但到俾人批評佢哋作出不實評論之後,佢哋就話呢個唔係新聞節目嚟嘅,只係「嬉笑怒罵」 … 咁廣男又想問下,呢個唔係新聞節目,咁係咪評論節目?如果連評論節目都唔係,係類似戲劇節目咁,咁港台咪可以直接話呢個係戲劇,佢哋教人「殺人放火」都得啦!


至於梁家榮話港台編採符合《香港電台約章》,廣男覺得就更加離譜,《約章》寫明「準確而持平的新聞報道、資訊、觀點及分析」,港台做到咩?入面寫明「持平地反映意見」,港台又有做到?根據公共廣播關注組嘅資料,自黑暴運動至今,港台製作了24集《鏗鏘集》報道事件,當中超過六成報道暴力事件中當事人的理念,並批評做法鼓吹暴力;如果港台持平或者持平地反映意見,大家要問下港台啲新聞節目,點解咁多內容、咁重比例都好似幫咗黑暴運動宣傳咁呢?點解無涉及反黑暴嘅內容呢?


為何不承認錯誤?


其實成件事本來好簡單,港台《頭條新聞》出問題,只要承認錯誤、道歉同撤回相關節目內容,相信好多香港市民都會接受;但事件發展到今日,港台依然擺出一副「我無錯」嘅姿態,實在難怪其他人會咁嬲。廣男就喺度諗,依家外界意見港台唔聽,連港台顧問委員會都好似無佢哋辦法咁,係咪政府應該出手,嚴肅地處理下已經積存多年嘅港台問題呢?一個用公帑營運嘅公營廣播機構原來係「無王管」嘅,成件事真係十分諷刺。


原圖:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app


23
嬲爆
1
超無奈
2
無意見

評論

你可能感興趣