《頭條新聞》是處境劇?!
《頭條新聞》是處境劇?!

盲撐港台《頭條新聞》,可以有好多說法,例如港台發言人就稱《頭條新聞》係「嬉笑怒罵」,港台工會就話港台人員有「編輯自主」;最新嘅「偉論」,就係《生果報》專欄作家李怡話《頭條新聞》係「處境劇」。講真,呢個真係「開心大發現」,《頭條新聞》做咗咁多年,依家俾各界批評佢作出無事實根據嘅評論,根本就係誹謗,竟然仲有人諗到《頭條新聞》係「處境劇」,咁駛唔駛整番輯《頭條新聞之開心速遞》呢?

 

用「處境劇」做擋箭牌

 

對於李怡文章嘅「鋪排」,廣男先唔評論,但李怡話「《頭條新聞》是類似《Yes Minister》這樣的處境劇,不是新聞」,廣男就覺得有啲問題喇!第一,節目名稱有「新聞」二字,依家可以話係「處境劇」?算喇,就算廣男退一億步,唔理佢叫《頭條新聞》定《頭條劇場》,如果佢只係戲劇而唔係新聞評論節目,咁點解《頭條新聞》俾各界批評嘅時候,港台工會話港台人員有「編輯自主」?如果係戲劇,佢哋要捍衛嘅應該係「創作自由」先啱呀?

 

《頭條新聞》嘅問題,係在於佢作出「評論」時,所根據嘅都唔係事實,例如意指警方「裝備多、唔駛點做」等等,都唔係事實,點解港台、港台工會、盲反派政客以至盲反派評論員全部都唔正視問題?係咪迴避問題,就等於答咗?之前話係「嬉笑怒罵」,今日話係「處境劇」,咁聽日盲反派話《頭條新聞》係本土電影,甚至科幻電影都得啦!

 

又借機攻訐警方

 

其實,李怡以至其他盲反派人士諸多狡辯,除咗係為港台開脫之外,佢哋嘅根本目的就係要借機抹黑警方,例如李怡喺今次文章,就筆鋒一轉,稱「政府最好是不理,若要應對,那麼最佳辦法就是公開證據。為甚麼那麼多屍體發現『無可疑』? …『可疑』是公眾感受,《頭條新聞》反映了這種感受 …」意謂好多人「死」都係有「可疑」;李怡有樣嘢講得唔夠清楚,就係唔少人認為「有人死」唔單止有可疑,仲係認為「警察殺人滅口」,但廣男就諗,「有人死」不論係「有可疑」定係「懷疑係警方做嘅」,係咪有所指控或者意有所指嘅人要提出證據呢?要警方「自證清白」?如果「有人」死因有可疑而且有「2,000人」,佢哋嘅家屬、朋友會唔出嚟控訴?呢啲人全部消失晒?啲証據消息晒?好似唔好合理喎!

 

講到底,不論係李怡,定係其他盲反派人士,不斷攻訐警方,不過當警方嚴正駁斥佢哋之後,佢哋就玩轉移視線,呢啲係盲反派慣用嘅伎倆,亦係佢哋不斷炒作、令黑暴運動保持「溫度」嘅必用手段。 

 

圖片來源:RTHK


請Follow我們的YouTube頻道:

https://bit.ly/2kgU8qg


下載我們的手機應用程式,收看第一手精彩內容:

https://www.speakout.hk/app

18
嬲爆
1
超無奈
1
無意見

評論