日前本港機場喺一晚之內，接二連三發生嚴重暴力事件，內地旅客、記者同警察幾乎受到「無差別」襲擊和凌辱，有人甚至以「謀殺式」暴力形容事件；出現呢啲令人髮指嘅暴力事件，社會大部分人士都予以最強烈嘅譴責，但一直表明「不割席」嘅盲反派議員，竟然直到今日都唔願意同暴力切割，甚至顛倒是非，話被毆嘅內地記者似乎「想挑起情緒」，呢啲風涼話離晒大譜、毫無良知，廣男想喺度分享下呢班所謂議員、政客點樣包庇暴力，大家每次見到呢啲政客，一定要追問佢哋做乜唔同暴力割席！

盲反派政客涼薄言論節錄：

議會陣線毛孟靜：無可能割席，大家都支持「年輕人」，不知道當中有無「被煽動」的情況。

公民黨楊岳橋：「知錯能改，善莫大焉」，「不割蓆（席）、不譴責、不篤灰」

公民黨郭家麒：譴責暴力，同時指責《環球時報》記者「似乎想挑起情緒」，叫大家不要「墮入圈套」。

民主黨許智峯：是否違法要問律師意見，公眾自己有公論，自己會先譴責警方。

專業議政梁繼昌：稱機場行動「有點適得其反」，希望集會能繼續進行。

專業議政葉建源稱有電話打進來，着記者等等，但半小時仍未接回，其後再致電沒有接聽（作為教育界立法會議員，竟然不回覆傳媒提問）

工黨張超雄：稱暴徒是行使「公民拘捕權」，又指傷害他人不能接受，但不會割席。

如果用兩句說話形容呢班政客，就係講咁多嘢，就係唔肯同暴力割席；講得過分啲嘅，甚至講到呢啲係政府、警察等嘅「陰謀」、「圈套」咁款，包庇暴力嘅程度，過分得令人難以接受！

每次都要追問無良政客 是否與暴力割席

面對呢啲言行令人不齒兼埋沒良心嘅政客，廣男覺得大家如果見到佢哋，每一次都一定要問清楚佢哋兩個問題，第一就係願唔願意公開嚴正譴責暴徒；第二就係會唔會同暴徒割席。如果啲政客唔願意正面回答呢兩個問題，即係佢哋已經決定包庇暴力、包庇違法到底！

廣男希望大家明白，發生咁多暴力事件，而班凶殘暴徒竟然「越戰越勇」，多多少少都係因為佢哋有一班盲反派政客以至部分市民撐腰；所以，如果有盲反派政客同你講佢唔譴責暴力或者唔割席，大家就可以理直氣壯同佢哋講，「你哋都係暴徒」！ 

原圖:RTHK