多謝盲反派 香港淪貿易戰籌碼
多謝盲反派  香港淪貿易戰籌碼

盲反派為咗反對《逃犯條例》修訂,不惜到台灣、德國以至美國等地方「唱衰」港府甚至中央。其中,佢哋嘅元老級人馬、資深大律師李柱銘等人,日前就到美、加面見當地官員、政客同埋唔同組織去抹黑《逃犯條例》,有分析就批評佢哋係為美國提供「子彈」,等美國有機會借香港搞中國。盲反派嘅「極力爭取」,終於都得到美國政客嘅積極回應,美國國會和行政當局中國委員會主席麥高文(Jim McGovern)表示,會遊說美國總統特朗普將香港狀況加入中美貿易戰談判中;換句話說,如果中美貿易戰持續、升溫,香港隨時牽涉其中,成為美國攻擊中國嘅棋子同籌碼,真係「多謝晒」班盲反派呀!


香港修例 美國「制裁」?


《生果報》今日刊登麥高文嘅專訪,麥高文稱修例令會令「異見者、任何敢於為了爭取權益發聲的人,面臨被中國以任何罪名要求移交返內地接受不公平對待的威脅」,又表示佢會向美國政府提出建議,喺中美貿易戰談判上將香港人權同自由狀況放入議程,促請美國總統直接對草案以至香港人權等狀況「表達關注」。簡單而言,就係要求美國總統、政府介入事件,甚至將議題放到貿易戰嘅談判桌上。


就此,囍雨必須指出,麥高文對《逃犯條例》嘅理解其實極有問題!事實係,任何發表意見甚至異見嘅人,都好難會畀中國「以任何罪名」移交到內地,因為喺雙重犯罪原則嘅保障下,發表意見喺香港唔算犯法,香港法庭唔會因為有人「發表意見」甚至異見而將有關人士移交到內地;麥高文有呢番誤解,囍雨真係質疑係佢自己理解有誤,定係有人諸如盲反派政客誤導佢!


至於麥高文要將問題提升到中美貿易戰層面,囍雨直頭覺得係香港盲反派「成功爭取」將香港加入貿易戰當中!其實自「香港民族黨」被取締開始,盲反派入面已經有政客重重複複講美國會取消《香港關係法》,到《逃犯條例》修訂,盲反派又係咁到外國向外國政客、政府「告洋狀」,而家美國政客將香港問題視為貿易戰嘅談判「問題」之一,香港人真係多得盲反派班政客唔少。


誰把香港作賭注


其實喺中美貿易問題上面,美國為咗打擊中國已經推出加徵關稅、針對中國企業等一系列措施,可以預計得到,如果香港嘅修例工作會成為貿易戰上面美國嘅「籌碼」,甚至成為美國針對嘅對象,本港企業都可能會受到影響;盲反派成日話修例會影響香港、令香港「出狀況」,但囍雨就覺得,盲反派「告洋狀」、「賣港」,對香港嘅影響先至係最大! 


原圖:羅冠聰Facebook

6
嬲爆
2
超無奈
1
無意見

評論