出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
【咁都有得炒作】唔邀請特首去會慶又點? 好心反對派唔好幼稚啦!
【咁都有得炒作】唔邀請特首去會慶又點? 好心反對派唔好幼稚啦!

今日睇報紙,見到有一份親民主黨嘅主流報章報道,話民主黨嚟緊3月19日黨慶,唔打算邀請特首林鄭月娥同律政司司長鄭若驊出席,理由係時機唔合適,時近選舉年,唔想同林太走得咁埋咁。老實講,呢種所謂新聞,近年認真見唔少,不時都有反對派政黨趁住自己個黨慶,一時話高調話「唔邀請」某官員、另一時又高調話「邀請」某官員,講來講去,講到煞有介事咁,其實咪又係為咗博見報同籌款,邀請同唔邀請官員,其實都係想藉官員個名嚟籌款之嘛,扮乜嘢喎?

 

出席黨慶不代表有溝通

 

先旨聲明,囍雨當然唔係反對嗰班反對派邀請政府官員出席自己黨慶啦,畢竟反對派同政府嘅溝通,絕對係「有」比「冇」好。之不過咁喎,囍雨非常希望香港市民,千萬唔好以「邀請」、「唔邀請」政府官員出席黨慶作為指標,老實講句,若然平日係冇溝通、唔肯有商有量嘅,咁你反對派黨慶嗰日邀請官員出席都冇意思架喎?可以令到政府同反對派之間關係變得更好咩?RIGHT?

 

其實睇返段報道,大家已經知道反對派邀請官員出席係有咩目的架喇,咪就係一個字「錢」囉!報道話喎,民主黨內部認為應該請林太嘅一班,主要係顧慮到商界想法,如果顯示到該黨同政府都算有得傾,籌款就會比較容易喎;睇到啦?呢班人即使邀請政府官員出席,目的都唔係想搞好雙方關係架,係想呃到商界中人,等籌款容易啲架咋。單係睇到呢點,相信大家都會認同,邀唔邀請、出唔出席呢啲反對派黨慶活動,由頭到尾都只係「畀面派對」,邀請又點?唔邀請又點?好威架?好叻架?唔好咁幼稚啦,仲拎出嚟講博見報!

 

認真做好工作 唔好搞咁多小動作

 

老實講,反對派政黨得唔得到支持呢,首要條件都係做唔做到嘢;要做到嘢,反對派同政府就必然要有得傾、有得講,呢個根本係香港嘅政治現實,亦係定律。民主黨知架,所以今年咪繼續會邀請其他高官出席囉,唔請林太?扮晒嘢啫,何必TAKE IT SO SERIOUS?仲有,扮激冇意思架,好似公民黨咁,晨早都話唔請林太去黨慶啦,但咁又點呢?佢哋會拎到好高分咩?嗰個所謂「關鍵一席」嘅黨魁楊岳橋,自己提案都可以NO SHOW、見到後生仔入獄,又話坐監令人生咁精彩等等,呢啲咁嘅行為,就算堅決唔邀請林太去黨慶又點?會加分架?咪玩啦!


圖片來源:林鄭月娥社交網站截圖

8
搞笑咩
4
唔係呀哇
3
超無奈

評論