出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
梁家傑崇洋媚外 當中國係「敵人」?
梁家傑崇洋媚外 當中國係「敵人」?

盲反派近年去外國「告洋狀」唱衰中國,基本上都唔係咩新鮮事,最近公民黨主席梁家傑同黨魁楊岳橋雙雙「應邀」去美國,「例牌」唱衰自己國家同香港唔在講,梁家傑同美國官員談論期間,竟然話美國同中國打貿易戰,「有乜理由針對埋香港」,仲話香港都係中國背信棄義嘅受害者,香港打緊捍衛戰云云。梁家傑咁講法,豈不是係當逆世界潮流搞單邊主義打貿易戰嘅美國係朋友之餘,仲要不分青紅皂白咁去盲反自己國家?

 

崇洋媚外 當中國是「敵人」

 

既然梁家傑要提貿易戰,囍雨就要喺度發表下意見喇。中美呢場貿易戰,基本上係因為美國覺得自己對中國嘅貿易逆差太大同埋擔心中國嘅「中國製造2025」計劃而發起,計正中國包括香港都係受害者;梁家傑去到美國唔指摘美國都算啦,仲講到個意思好似「你搞中國好喇,唔好搞香港呀!」咁,即係繞過世界貿易組織仲裁機制發起貿易戰嘅美國就係「好朋友」,而受害一方中國「就係敵人」啦!如果呢個係公民黨立場,麻煩佢即時公開同香港人講清楚,唔好掩掩映映「扮持平」!

 

誰背信棄義?

 

至於梁家傑話香港都係中國「背信棄義」嘅受害者,囍雨又想問下到底係邊個國家對香港點樣背信棄義呢?國家將香港從外國人殖民統治釋放出嚟,背咗咩「信」?棄咗咩「義」呢?佢咁鍾意站喺美國果邊講嘢,但佢有冇諗過中國以至中國企業先至係今次貿易戰嘅受害者?就算美國以各種借口搞中國梁家傑都咁維護美國,好啦,咁不如你入籍美國做「花旗傑」啦!


原圖:RTHK